Tırkiyə Amerikədə hərbi lobbiəti

Аnkara bə AİŞ F-35 proqram oqarde cəhdonku dast kəşedə ni. Çın proqramiku əv 2017 minə sori Rusiyaku S-400 ZRK hırye ro bə kəno kardə bəbe.

Çın proqramiku əv 2017 minə sori Rusiyaku S-400 ZRK hırye ro bə kəno kardə bəbe. Holiədə Тırkiyə MV de bə Resbublikadoron nez lobbi şirkət- Ballard Partners 1 sorinə $2,4 mln. məbləğədə soziş bastəşe.Şirkət de federal orqanon təmas onoe, strateji konsaltinq, tırkiyə intereson və Konqresi monitorinqi ro 1 sori dorozi har manq $200 həzo bəste. Dərc bə sozişədə oşko о F-35 barədə votə bedə ni, əmmo KİV bın ko eyham je ğeyd kardedən, çumçoko oxonə fəxton Аnkara bə proqram oqarde ro fəol bə. Vaşinqton hələ ki, Tırkiyə tərəfo həmmə şərton bə vırə nırosniye bəyon kardə. Аmerika tərəf, Tırkiyə S-400 ozod be çəş kardedə, çumçoko əçey radaron bo F-35 işqilon soxte bəznen ki, ımən bo nunəkılə informasiyon pevolo be dastək bəbe. Rusiya, Tırkiyə de əvon bo S-400 həvate ro bə kontakt dəşe təsdığ kardən, əmmo Vaşinqton tırkonku həniən vey sədoğətin be bə çəşe. Lobbiston xıdmət Tırkiyə mevğeyon ğoym kardəniye, çəvon NATO-də vəzifə arqumenton bə Konqresi rosniyəni. Əmmo bə proqram oqarde bo F-35 hıye hiç qılı zəmonən doydəni, çumçoko yolə nubə çaş karde məcbur bəben.