İron iyən Azərbaycan Respublika xarıci vəziron miyono bıə telefoni rabitə.

İroni xarici vəzir çı Azərbaycan Respublika xarıci vəziriku tələbış karde ki Ğəfğaz məntəğədə bıə ixtilofon de sulhin roon vositə həlliro cəhd ko.

Bə İrna raporti əsos, Azərbaycan Respublika xarıci vəziri ın votımonədə bə Huseyn Əmir Əbdollahiyan təbrik votışe  iyən təkidış karde ki həmmə baxşonədə Tehron-Boku miyono bıə həmkarion bəbe bə inkişof bırəsi.

Ceyhun Bayramov Ğərəboği tojə ozod bıə məntəğnədə bıə ovdonəkə proyektonədə İroni iştiroki çi sə ziyod bey tələbış karde iyən teranzit baxşədə bə 2 tərəfi həmkarion inkişofi zəruriyati işarəş karde iyən peşo Ğərəboği məntəğə təhəvvolatonku bə İroni xarıci vəziri raportış do.

Huseyn Əmir Əbdollahiyan  həm Azərbaycan Respublika xarıci vəziri təbrik mesajiku təşəkkurış karde və votışe ki İron bo 2 tərəfi həmmə tərəfinə əloğəon inkişof iyən Ğərəboğədə ovdonəkə koon bənav barde çərçivədə İroni hozzıəti təkid kardışe.

İroni xarici vəzir bə sərhəddon ehtırom karde zəruriyati jintonədə pidəş be ki Ğəfğazədə behranon de siyasi sulhinə roon həl bıbu.

2 tərəf yandeku dəvət kardışone ki bınızonədə bə yande kişvər səfər kon.