Tehron iyən Boku miyono bıə əloğəon hamsuyəti mısbət şərayetədəy.

İroni xarıci vəzir votışe: Tehron iyən Boku miyono bıə əloğəon hamsuyəti mısbət şərayeti jintonədə dəvom kardeydə.

Bə İRİB raporti əsos, Huseyn Əmirəbdullahiyan, təkidış karde ki İron bəştə hamsyuyəon bənə ailə diyə kardedə votışe: şayəd bəzi faxt bəzi məsələonədə tikəy problem bıbu əmmo muhimmə məsələ həmonə poroblemon həlliro bıə İrodəonin.

Əv bə de Azərbaycan Respublika xarıci vəziri moyono votımon-muzakiron dəvomi işorə və təkidış karde: bo həmmə tərəfinə əloğəon inkişofiro ın muzakirə və votımonon dəvom peydo bəkarde.

İroni xarıci vəzir ijən votışe: təvafuğ kardəmone ki bo mediya və umum iştimaiyəti fikon mudiriyətiro qıləy məxsus mıştərik kamisya icod kəmon.