Ərağçi:Zəyifə İroni təsəvvır təmomən çe miyoniku şeyə

Pars Tudey-İroni xarici koon vəzir de canqi bənav mığoyisədə bə İroni xarici siyosətədə bıə fərği işorə kardə holədə votəşe:Zəyifə İroni təsəvvır təmomən çe miyoniku şeyə.

Pars Tudey bə İroni Tele-Rədyo Aqentəti istinodən doə məlumoti əsos,İroni xarici koon vəzir Seyd Əbbos Ərağçi çı hukuməti bə informasiya baza oxonə dı soroədə bıə diplomatikə səyon anqıl doə mısohibədə votəşe:"Bəçımı nəzə əsos,İroni xarici siyosət çe mıhoribə bədiqə bıə devr çe canqi bənav bıə devriku təmomən farğin bəbe.Zəyifə İroni təsəvvır təmomən çe miyoniku şeyə." Əy əlovəş kardə:"AİŞ-on bə İroni ələyh canqi dıminə və ya seminə rujədə Trampi tvitış jeyə və "beğeyd-beşərtə təslim bey" nomo dıqlə sıxanış nıvıştə və əvon təslim beyışon piyedəbe,əmmo əvon məyus bin.