İroni İslamiyə İnğilabi vey muhimmə nəticə, dınyo imperializm ğıvvon məğlubiyət be.

Buko Xəbə rujnomo sər redaktor, İroni İslamiyə İnğlabi qıləy muhimmə nəticəonış, de İroni İnğlabi təəsisəkə mərhum İmom Xomeyni(r) rəhbərəti dınyo imperializmi məğlub karde zınəş be.

Aydin Ğuliyev Fevrali 2ədə bə Səhər kanali votışe: İronədə Amerika səfarətxonə və cəsusiyə lonnə işğal karde, istikbariyə kişvəron siyasəton ifşa karde ijən dınyo imperializmi məğlubiyyət, əcumlə çın inğlabi vey muhimmə nəticəon və bərəkəton heste ki de İroni İnğilabi təəsis əkə Həzrəte İmom Xomeyni(r)-i rəhbərəti vasitə bə dast omə.

Buko Xəbə rujnomə sər redaktor, İronədə fəcr 10 rujiyə mərasimon təbrik votış ijən bə İroni İnğilabədə bıə insoniyə ərjun işorə karde bəpeştə, çən İnğlabi çı dınyo vey təsir əqə inğlabonku qıləy ni hisobış kardə və təsdiğış kardə: dınyo istikbari iyən ğərbiyə kişvəron vədə İroni milləti təslim nebey, çın İslamiyə İnğilabi co muhimmə nəticəonku heste.

De İroni İslamiyə İnğilabi səbarzəti bərobər(1979 nə sori Fevralədə) Asiya ğərbədə dınyo yolə istikbariyə kişvəron, əcumlə Amerika dıvləti hisob kitobon vey əvəz bən anə ki, ısət məntəğə inğilabiyə kişvəron və mığovimət cəhbə qrupon, de imperializm ğıvvon mubarizə bardedən və de çəvon dışmənçiyə hərəkəton məxsusən de Amerika soltə tələbə siyasəton mıxolifət kardən.