Azərbaycan Respublikaədə DAEŞi uzvon məhkəmə bərpo be.
-
İrağ və Suriyə kişvəronədə çandə şəhron ozod bey bə peştə, terroriston dılədə vey azəriyə şəhrvandon peydo bən.
Azərbaycan Respublika qonə cinoyəton məhkəmə DAEŞ terroristiyə qrupi 2 qılə Azəriyə uzvonış bə dıroz mıddətə həbson məhkumış kardə.
Bə Faxt Xəbə raporti əsos ım məhkəmə Mahir Mosəyev və Şukur Babayevi bə 15 ijən 11 sor həbs məhkomış kardə, ım 2 nəfər DAEŞ terroristiyə qrupədə uzviyətışon be.
Mahir Mosəyev ki ıştən Suriyədə DAEŞ terroristiyə qrupədə uzv bey bə peştə Tırkiyə sərhədiku ıştə həmroş bə ım qrup izofəş kardə.
Azərbaycan Respublikaədə de vəhabi ro dəqıjnə fırğə fəaliyəti ziyod bey bərobər ım fırğə hərbiyə qrupi fəaliyəton yəni DAEŞi fəaliyəton həm ısət ım kişvərədə vey ziyod be.
Xəbə omə İrağ və Suriyə kişvəronədə çandə şəhron ozod bey bə peştə, terroriston dılədə vey azəriyə şəhrvandon peydo bən ki əksəriyət çəvonku həlok bıə bən.
Im 2 qılə Vəhabiyə Işidçi bə Suriyə dıvləti zidd canq karede xoto candə əməliyatonədə iştirokışon kardə bən əmmo bə Azərbaycan Respublika oqarde zəmoni əvoni dəstqirışon kardə.