Bokuədə İroni İslamiyə İnğilabi bə səbarzəti rəse 38 minə sorqardemoni mərasim.

İroni İslamiyə İnğilabi bə səbarzəti rəse 38 minə sorqardemoni mərasimon fevrali 7 ədə Bokuədə ijən Vəliye-Əsr(ə) salonədə bərpo be.

Bə İrib raporti əsos ım mərasimədə ki Azərbaycan Respublikaədə bıə vəliy fəğih nımoyəndə, İroni səfir və çandə İronıjə təşkilatonku nımoyəndəon həm iştirokışon kardə bən, çandə mərasimon və bərnoməon icra bıə.

Azərbaycan Respublikaədə İroni vəliy fəğih nımoyəndə, Huccətul İslam Ocağnejad ıştə sohbətonədə İroni inğilabi bəsəbarzəti rəse amilon barde votışe: İmom Xomeyni(r) hidoyətəkə rəhbəti, milləti fidokarəti iyən xalis mandə və şucaət ijən islam sahədə yeqane vəhdət, İroni İslamiyə İnğilabi bə səbarzəti rəse boyis be.

Əv bə İmom Xomeyni(r) yeqanə şəxsiyət işorəş karde və votışe: İmom Xomeyni(r) de bə Xıdo təvəkkol karde və zumandə imon qıləy hərəkəti binoş karde ki hələ həm dəvomış heste və çı həx bey barde hiç şək və şubhə ni.

Huccətul İslam Vəlmıslemin Ocağ Nejad təsdiğış kardə: jıqo ki İmom Xomeyni(r) həmişə təkidış kardə milləti yeqanə bə səbarzəti rəse ro və yeqanə təriğ vəhdət və bə İroni rəhbəri itoət karde heste ki de milləti ittihod və i bey bəznə inğilabiku mıhofizət və  hidoyət bıkə.

Im mərasimi dəvomədə çı Vəliyi Əsr(ə) təlimiyə mərkəzi Cabiribne Həyyan nomo tələbəon festival de İroni yolə rəhbəri nımoyəndə vasitə bino be.