Ərağçi: İron-İraği mınosibəton vey çokə vəzyətədəy

Pars Tudey-Huseyni Ərbəyini mərosimədə iştirok kardero bə Nəcəfi şəhri səfə kardə İroni xarici koon vəzir çe İraği sərvəziri bə Tehroni kardə oxonə səfəş konstruktiv hisob kardə və votəşe: İron iyən İrağ siyosi,ixtisodi və əmniyyəti məsələonədə zızd və dəvominə həmkoəti kardedə.

Bə “Pars Tudey" doə məlumoti əsos,İroni xarici koon vəzir Seyd Əbbos Ərağçi dışambə ruji bə İraği rəsmi xəbə aqentəti doə mısohibədə votəşe:"Imruj mı bə Nəcəfı-Əşrəfi şəhri daxil bim və Ərbəyini mərosimədə iştirok kardero bə Kərbəlo şeydəm.Nəcəfədə mı bo zəvvoron xıdmət kardero hevujə tədbiron iyən hozzıətim vinde,çın tədbiri təşkilədə de dəvardə soron mığoyisədə bə zəvvoron nışon doə bıə dəvominə xıdməton səviyyə vey barze.”. Ərağçi əlovəş kardə:Ərbəyini mərosim qıləy dıjdə cəmbemone və çı İron iyən İraği xalğon ibemoni simvol bə hisob omeydə.çunki iştirokçiyon əksəriyyəti çın dıqlə kişfəriku bıə zəvvoron təşkil kardedə və ın dıjdə huzur çe dıqlə xalğon miyono dini iyən etığodi əloğəon mehkəməti nışon doydə. Əraqçı bəyonış kardə ki,ım həmrayəti çımi bənav çı inğılobi şəhidə lideri təşyi mərosimədə ıştənış nışon doə və çı dıqlə kişfəri miyono bıə hisson nığıləti və rişədorə ibemoni nışon doydə.