Aya Blackwater ğatilon sayə ijən sənibəton İraği kuçəonədə sanqinəti bəkarde?

İrağ və AİŞ miyono 60 milyard dollarinə mığoviləon imzo kardey bədiqə de əmniyyəti podratçiyon cərəyoni anqıl norohətçətiyon vey bıə.

İraği ğıvvon Amerkə şirkəton ya xarici silohinə şirkəton xandi kardey məsul bey-nıbey hələm məlum ni.

İrağ mənbəon ğeyri-mıəyyənəti çe Blackwater-i telə xotırəon sənibəton bəyji kardeyış bəyon kardə.2007-ə sorədə çı şirkəti koəvonon Nəsr meydonədə jenon və hırdənon həm daxil bıə holədə çe İraği vətəndoonışon kıştə.

Ğətlı-am kardə kəsonku ço kəs məhkum kardey bıə,lakin Donald Tramp 2020-ə sori həmməş əfv karde.Analitikon hisob kardedən ki,məsələ fəğət de kommersiya mıhofizə məhdud beydəni;İraği milli suverenəti,ğanuni ali bey və çı hukuməti silohi peyo bıə inhisor həm çe riski jiyədəy.

Şəxsi hərbi şirkəton fəoliyyət adətən məxfi xandi kardey beydə və çəvon əslə cəhəton fəğət çe behroniku bəpeşt bə dim beşeydə.

Tənğidçiyion hisob kardedən ki,ixtisodi mığoviləon bo məhdudə məsuliyyətinə silohinə şəbəkəon bə dumo okırneyro qıləy puşnemon bey bəzıne.

Bağdad bo xarici investisiyaon cəlb kardey bo kabusi bə dumo oqardey navi qətey miyono de qıləy muhimmə imtovoni dimbədime.