Putin de Paşiniyan və Əliyevi Telefoni sıhbətış karde.
Rusiyə prezident de Ermənistoni iminnə vəzir və Azərbaycan Respublika prezideni telefoni sıhbəton cərəyonədə Ğərəboği mınoğişə 3 tərəfi həmkari iyən əloğəon barədə mətləboni bəyonış karde.
Bə TAS aqentiyəti raporti əsos, Putin de Paşiniyan və Əliyevi Telefoni sıhbəton cərəyonədə Aprili 6 Brusselədə Ermənistoni iminnə vəzir və Azərbaycan Respublika prezidenti miyono bıə muzakironku xəbə do be iyən bə nakonə sazişon həmmə maddon çoknə icra bey iyən 3 tərəfi hələkə kamissiya ğolibədə tojə koon əncom doe təkidış karde ki iğtisodi iyən ticori baxşədə çı Ğəfğazədə nəğliyoti hostonəti bois bəbe.
Tojədən Ermənistoni iminnə vəzir və Azərbaycan Respublika prezident de Avropa şura rəis Çarls Mişeli vositəçiyəti Brusselədə qıləy iclosi bərpo kardışone ki həminə 5 saətə iclosi çərçivədə bə sulhi muğəddəmə huzzo kardey, sərhəddon tam iyən dəğiğ təiin karde iyən sazışi maddon qarantiya kardey zəruriyəti təkid kardışone.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
