Ğuds beynəlxalğə ruji astanədə hoci Muhsin Səmədovi bəyoniyə.
Azərbaycan Respublika İslam Partiya məhbusə rəis ki 10 sor bəbe çı Azərbaycan Respublika zindononədəy tojədən de bəyoniyə vositə bə mubarək rəməzanə manqi oxonə cımə ruj Ğuds beynəl-xalğə ruji əhəmmiyəti işorəş karde.
Bə Tolışi rədio raporti əsos çı Azərbaycan Respublika mediaoon nəğliku həminə bəyoniyə dəvomədə ğeyd bıə: Fələstin sərzəmini işğaliku təğribən 1oo sor dəvardeydə əmoo dınyo təşkilaton tosə bə ısət bə ın yolə işğalçiyə faciə mınosib reaksiya nışo doəşon ni.
Bəyoniyə dəvomədə takid bıə: əmə ki bənə işğal bıə milləti zıney bıdəmon vey çok dərk kardedəmon ki bə ın yolə faciə reaksiya nışo doe bənə qıləy şəəri iyən insoni vəzifəy ki bə çəmə qi noə bəy.
Azərbaycan Respublika İslam Partiya məhbusə rəis əlovəş karde: ın çəmə qiədə bıə yolə vəzifəy ki har kəs bəpe bəştə şəroyeti mıtobiğ bə işğalçiyəti sə kardeyro koş bıbu iyən komək bıkə ki çand milyon avarə bıə Fələstinıj bəştə inə sərzəmini oqadon.
Hoci Muhsin Sımədovi həminə bəyoniyə oxoədə əv Xıdoku bo həmmə kəson məğfirət və səəadəti tələbış karde.