İron iyən Azərbaycan Respublika miyono mədəni əloğəon.

Boku kitob beynəlxalğ nımoyeşqoh rəis ki Tehroni kitob nımoyeşqohədə iştirokiro bə Tehron səfərış kardə de ın nımoyeşqoh muavin vindemon cərəyonədə bə İron iyən Azərbaycan Respublika miyono mədəni əloğəon inkişofi təkidış kardə.

Bə İRİB raporti əsos, Akif Məarifli de Əli Rəmezani vindemoni cərəyonədə Tehroni kitob beynəlxalğ nımoyeşqohədə iştirokiku ıştə rizoyəti elanış karde və əy bənə qıləy yolə eteborış bıə bərnomə iyən koy zınəş be.

Məarifli beynəl xalğ cəhəto çı Tehroni kitob nımoyeşqahış vey barzə səthədə zınəş be iyən umidəvuş karde ki İron iyən  Azərbaycan Respublika miyono mədəni əloğəon çimi sə əlovə bıbu və bə inkişof bırəsi.

Tehroni kitob nımoyeşqoh muavin Əli Rəmezani həm ın vindemonədə umidvar be ki kitobon bə Azəri iyən Farsi tərcumə kardey, mədəni nımoyeşqahonədə  bepulə palataon bə yande ixtisos doe və təhğiğ fəaliyətonku maliyə himoyəon planon sazişon ğolibədə bə vırə bırəsi.

Tehroni 33 minnə dıvrə kitob beynəlxalğə nımoyeşqoh fiziki iyən virtual forma tosə mayə manqi 21 Tehroni musılla vırədə oje.