İron çı Zənqəzur karidori komil kardeyro hozzı bəy.

İroni roy iyən şəhr soxte vəzir de Azərbaycan Respublika i minnə vəziri muavin vindemoni cərəyonədə İroni sərhəddiku nəxçivoni bə Azərbaycan Respublika dəokne plani barədə İroni komilə hozzı mandeyku xəbəş do.

Bə İranpress aqentiyəti raporti əsos, Rustəm Ğasemi ki İron və  Azərbaycan Respublika mıştərik iğtisodi kamissiya rəis həm bə hisob omeydə tojədən Tehronədə de  Azərbaycan Respublika i minnə vəziri muavin Şahin Mustəfayev vindemoni cərəyonədə bə 2 qılə kişvəri miyono bıə əloğəon inkişofi zəminə işorəş karde və votışe: muxtəlif muhimmə məsələoni bənə ov, elekterik və nat sənaye Tehron -Boku həmkarion inkişofiro hestin əmmo ısət muhimmə koy tranzit həmkarionin.

Ğasımi əlovəş karde: İron çı Zənqəzur karidori komil kardeyro hozzı bəy ta muğavilon icra bıkə.

Azərbaycan Respublika i minnə vəziri muavin Şahin Mustəfayev həm ın vindemonədə tranzitış vey muhimmə koy və məsələ bə hisobış varde iyən votışe: İroni roy və şəhr soxte vəziri səfər vey əhəmmiyətine, anədə ki prezident Əliyef İroni sərhəddi ətrofədə bıə tojə ozod bıə ərozi bənə dustiyəti və bıvəti marz bə hisobış varde.

Şahin Mustəfayev sənibəton çı Ğərəboği canqədə İron vindımoni bə təğdiri loyğ bə hisobış varde.