Mədəni rabitəon əlovə kardeyro Tehron-Boku barzə ğədəmon.
Tehronədə 2 tərəfiyə vindemonədə, İron İslam Respublika iyən Azərbaycan Respublika mədəniyət vəziron, bə mədəni və hınə rabitəon inkişof doe iyən 2 tərəfiyə həmkarion təkid kardışone.
Azərbaycan Respublika əcumlə İroni hamsuyəonku bə hisob omeydə ki dəvardə soronədə muxtəlifə baxşonədə, de İroi həmkarion hevujə karde pidəş be.
Miladi 2021 minnə sori Noyabrə manqi 28 miinə rujədə İşğabadədə “EKO” iğtisodi həmkarion təşkilati iclosi kənoədə və 2 qılə kişvəri prezidenton vindemoni bəpeşt, İron və Azərbaycan Respublika rabitəon vey rə əlovə bıə. peşo, 2 qılə kişvəri rəsmi şəxson rabitəon daimən, iğtisodi və ticari baxşonədə dəvomış peydo kardə.
Bə İrna raporti əsos, zinə şəv mıştərəkə xəbəiyə iclosədə, İron İslam Respublika islamiyə irşad və mədəniyəti vəzir “Muhəmməd Məhdi İsmaili” de Azərbaycan Respublika mədəniyəti vəzir “Anar Kərimev” vindımonış karde.
İron İslam Respublika islamiyə irşad və mədəniyəti vəzir, bə Azərbaycan Respublika mədəniyəti vəzir və dəy bə ico bıə heyəti, xəş ome votey bəpeşt, bə 2 qılə kişvəri mədəni, torixi və sivilizasiya iyən mıştərəkə fəaliyəton işorəş karde iyən votışe: 2 qılə kişvəri rabitəon dusti və hamsuyəti səthiku bəpeye və xışavəndəti ğolibədəy.
İslmaili ıştə sıxənon idomədə bə 2 qılə kişvəri mədəni mıştərəkə çiyon əcumlə mıştərəkə məşhurə alimon işorəş karde iyən votışe: ım səfər və de Azərbaycan Respublika mədəniyəti vəziri vindemon, karde bəzane 2 qılə kişvəri mıştərəkə barzə ğədəmon zəminə icod ko.
Im xəbəiyə iclosədə, Azərbaycan Respublika mədəniyəti vəzir həm İron İslam Respublika mizbonətiku vey təşəkkur iyən bə 2 qılə kişvəri mədəniyəti rabitəon işorəş karde iyən votışe: Boku həm etığadış heste ki 2 qılə kişvəri rabitəon dustiyətiku bəpeye və karde bəzne çimiku həm vey hevuj bıbu.
Anar Kərimov bə İron səfər kardey hədəfiku, siyosi, iğtisodi və ictimai həmkarion kənoədə, mədəniyəti həmkarion bəyonış kardə və əlovəş do: 2 qılə kişvər vey zərfiyəton soybin ki karde bəzne mədəni rabitəon bə inkişof rəse zəminə icod ko.
Azərbaycan Respublika mədəniyəti vəzir ədəbiyot, kitob, kitobi nımoyeşqohonədə ko kardey, mədəni haftəon bərpo kardey, mıştərikə torixi əsəron oqətey və 2 qılə kişvəri miyono film haftəon bərpo kardey əcumlə ım zərfiyətonku bəyonış kardə.
Im xəbəiyə iclosi oxoədə, Anar Kərimov bə Azərbaycan Respublika səfəriro, İron İslam Respublika islamiyə irşad və mədəniyəti vəziriku dəvətış kardə və umidvarətiş do ki bə ım kişvər, “Muhəmməd Məhdi İsmaili” səfər, təvafuğnoməon imzo kardey iyən hınə iyən mədəniyəti rabitəon zumand kardey zəminəon icod bıko.
Dışənbə rujədə, de İron İslam Respublika rəsmi şəxson vindemoniro, Azərbaycan Respublika mədəniyəti vəzir bə Tehron varid be.
Anar Kərimov ıştə səfəri əvvələdə, İmom Xomeyni(r)-i pok hərəmədə iştirok kardeşe və bə İron İslam Respublika nizomi təsisəkə yolə vırə iyən məğomi ehtırom noşe.