Lankoni Jinə Nuvədi məçitədə, Vəhabi xəbisə planon benəticə mandə.

Lankon şəhri Jinə Novədi di məçitədə, de Azərbaycan Respublika Tolış zıvonə şiəyon hevujə aksiya bərpo kardey vositə, Vəhabi amilon xəbisə plani vəy qətə bıə, əvon hədəfışon be ım məçiti ğəsb kon.

Bə Azərbaycan Respublika Tolışə xəbəiyə mənbəon raporti əsos, Vəhabi amilonku i dastə de Ramal nomo bıə şəxsi rəhbəriyəti, cəhdışon be ki de nımoj votey bəhonə, ım məçitədə fitnə bərpo iyən məçiti ğəsb kon.

Çımiku bənav həminə məçitədə bumi milləti qırd nımojon votey zəmonədə, Vəhabion ğilğal və əzyəton icod kardedə bin.

Bə Baba Penhan nomo bıə Feyzbuki səhifə raporti əsos, Lankon şəhri Jinə Novədi məçitədə, şiəyon deştə vəhdəti oqətey iyən mınosibə iştiroki vositə, Vəhabion təyin bıə xəbisə plani icra bey vəy qətşone. In məçiti ğəsb kardey, çı vəhabion xəbisə plan be.

Ramal nomo bıə Vəhabi şəxse ki məntəğədə de dukonon iyən ticari mərkəzon bə istesmor rosniyə vositə, Vəhabi vey təhdidəkə cərəyoniro, Azərbaycan Respublika Tolışə məntəğə sakin bıə şəxson miyono kali şəxsonış bənə hərbi dovtələbon cəzbış kardə, və hol ım ki ım məntəğə milləti veyni şiəyonin iyən de Vəhabi qrup və cərəyoni hiç rabtışon ni.

Ğərəboği 2 minnə canqi bəpeşt, Azərbaycan Respublikaədə, Vəhabi iyən Nurçi vey təhdidinə cərəyanon, deştə xəbisə plan iyən siyosəton vositə, ım kişvəri şiə odəmon mınhərif kardey holədən.

Azərbaycan Respublikaədə, Vəhabion hədəfışone ki be din iyən Sekularizmi kənoədə cəmiyəti tərkibi bə Sınniçiyəti tərəf əvəz kon, ki həmiə ko əncom doeyro, tojə soronədə vey hevujə fırsət çəvonro icod bıə.

De ım vıcud ki, Vəhabion tərəfo Azərbaycan Respublika milləti cəmiyət tərkibi bə sınni bey tərəf əvəz kardey əncom bey holədəy, və kali sərvət iyən ğudrət soybon çəvon peştədən peştədə, əmmo ım kişvəri şiə kanə və rişədorə şəxsiyət iyən millət, ıştəniku muğavimət nışoş dodən.

Bənə nımunə mısılmonon ittifoği hərəkəti rəis, Haci Tele Bağırzodə iyən co məhbus bıə dindoron vəşiyanəti aksiya ki Azərbaycan Respublika milləti veyə himoyəon jiədə əncom bıə.

Im vəşiyanəti aksiya, hukuməti tərəfo bə mığəddəsə çiyon tohin kardey reaksiya nışo doey xoto bərpo be.