Rusiyə animasiya vıjoronədə İronıjə animasiya 1 milyon dollariyə bəromə.

Delfinə zoə nomo İronıjə animasiya ki Rusiyə animasiya vıjoronədə nımoyeşiro muvəffəğ bıə, ısət 1 milyono 730 həzo dollar bəromə kəsbış kardə.

Animasiya istehsoli sənaye vey rovnəğ peydoş kardə. və həminə cəhətədə vey kişvəron bə yolə planonədə sərmoyə noəşone, həlbətə kali planon hətto vey sorron mıddətış be.

Im sənət bə bəromə icod kardey iyən mədəniyəti baxşədə mənafe icod kardey iyən yolə potənsiyelon icod kardey xoto, muvəffəğ bıə sənaye miyono vey çok iyən barzə vırə soy bıə.

Halihazırədə, Avropa kişvəron həmçınin Şimoli Amerkə kişvəron miyono vey mahbube və ım kişvəron bəromə əlovə kardey roonku qıləyni bə hisob omeydə. jəqo ki karde bəzne bıvotəmon dınyo animasiya sənaye baxşədə, 90 faiziku vey  de həminə kişvəron vositə sərmoyə noey əncom bəbe.

Bə İran Peres aqentiyəti raporti əsos, Çand sor bəbe ki İron bə animasiya sənaye varid bıə be və deştə muvəffəğə istehsolon vositə karde zınəşe xarıci festivalon iştirok ko.

Delfinə zoə nomo İronıjə animasiyae ki  Muhəmməd Əmin Həmedani çəy prodaser iyən Muhəmməd Xeyrəndiş çəy nıvıştəkə iyən rejissore. Miladi 2020 minnə sorədə ım animasiya bənə avanturisti iyən komediyə dastani əsos istehsol bıə.

Həminə İronıjə mədəni animasiya, İronədə nımoyeş doey bənav, Rusiyədə bə nımoyeş omə.

İminnə rujonədə ki Rusiyə kişvəri kino 2700 minnə nığə səhnəonədə, Delfinə zoə nomo İronıjə animasiya nımoyeşdoə bıə be, muvəffəğ bıə təğribən 1 milyono 700 həzo dollar bəromə kəsb ko iyən həminə baxşədə əctivə şəxson tərəfo vey təşviğ bıə.

Rusiyədə Delfinə zoə nomo İronıjə animasiya təğribən 1 milyono 730 həzo dollar həvotə bıə.

Delfinə zoə nomo İronıjə animasiya ğərore ki Tırkiyədə həm nımoyeş doə bıbu, həmçınin çəy idomədə ğərore İspaniya, Cənubi koreya, Tayvan və Monqolustanədə həm nımoyeş doə bıbu.