İron iyən Tırkiyə miyono bıə ticori həmkarion inkişofi əhəmmiyət.

İron iyən Tırkiyə ticorət palata rəis bə Tehron çı Tırkiyə prezident Rəcəb Təyyeb Ərdoğani omə səfəri əhəmmiyəti barədə təkidış karde: ın səfər 2 qılə kişvəri ticari əloğəonədə mısbətə təsirış bəbe.

Im iclosi iştirokiro Rusiyə prezident, Veladimier Putin, iyən Tırkiyə prezident Rəcəb Təyyeb Ərdoğan bə Tehron səfər bəkan.

Zinə İron və Tırkiyə mıştərəkə ticari palata rəis, Mehrdad Səadət, de İrna votımonədə, bə vəoməy haftədə Tırkiyə prezident, Rəcəb Təyyeb Ərdoğan vəoməy səfəri bə Tehron işorəş karde iyən votışe: ım vindemonədə bəpe 2 qılə kişvəri miyono ticarət bə inkişof rəseyro məsələon bəyon bıbu ta de diğğət bə İroni meyl, de hamsuyəon ticarət kardey, de Tırkiyə kişvər həm mıbodiləon bə inkişof bırəsə.

Səadət ijən votışe: bəpe İronədə Tırkiyə sərmoyə noey şirkəton muşkilaton həl bıbu, ijən əlovəş do: bəpe bə İron və Tırkiyə bə meyli əsos bıə ticarət ki dəvardə soronədə imzo bıə diğğət bıbu.

İron iyən Tırkiyə ticorət palata rəis ijən təsdiğış karde: ım təvafuğnomə, İron və Tırkiyə ticarəti miğdor, tosə 50 faiz əlovə bədoe, əv ijən votışe: həminə məsələ həlliro bə 2 qılə kişvəri miyono mıştərəkə kamissiya ehtiyoce ki dəvardə soronədə əctiv nıbe.

Səadət təsdiğlş do: Tırkiyə iyən İroni mıştərəkə kamissiya tərtibin bərpo bey, 2 qılə kişvəri mıbodiləonədə qıləy muhimmə məsələy.