Bə Ğədir Xumi yolə idi mınosibəti xoto Azərbaycan Respublikaədə bıə mərosimon.
Jul 19, 2022 16:19 Asia/Tehran
De viloyət iyən İmomət yolə idi dəme həmzəman Azərbaycan Respublikaədə bıə mısılmonə milləti dılon de Həzrət Əli(ə)-i eşği iyən islami məhəbbəti pur be.
Bə irib raporti əsos, İmom(ə)-i aşiğon de muxtəlifə mərosimon dəvoniye xususi Bokuədə ıştə irodəti bə Əmirəl-Momenin(ə)-i nışoşon do.
Sosiyol şəbəkəonədə muntəşir bıə film-şikilon həm nışo doydə ki millət ın ruji bənə dini komil bey ruji bə hisub vardışone.
Bə Azərbaycan Respublikaədə dıvləti elani əsos, ın kişvərədə ijən "Əli" nom bənə vey mahbubə nomi vıjniyey bıdə.
Bə tojə raporti əsos, dəvardə sori mıddətədə Azərbaycan Respublikaədə 1624 qılə hırdəni nomi Əli intixob kardəşne.
