Rusiyə iğtisodi bə inkişof rosniyey vəziri muavin de İroni səfiri məşvərət
Rusiyə və İroni 2tərəfi meyleşon bıə məsələon barədə, Rusiyədə bıə İroni səfir de Rusiyə iğtisodi bə inkişof rosniyey vəziri muavin vindemon iyən votımonışon kardə.
Bə İsna aqentiyəti raporti əsos, Rusiyədə İroni səfir Kazım Cəlali de iğtisodi bə inkişof rosniyey vəziri muavin Veladimier İliçefi vindemonədə, dəvardə haftədə bıə bə Tehron Veladimier Putini səfəri vey muvəffəğiyətomiz bə hisobış varde iyən çəy məşvərəton de İslamiyə İnğilobi Yolə Rəhbəri və İron İslam Respublika prezidenti vey çok və foydənin zınəş be və bə ın məsələ bənə 2 qılə kişvəri rabitəonədə muhimmə amil təkidış karde.
Bə həminə raporti əsos, bə Tehron Rusiyə prezidenti səfəri cərəyonədə və de diğğət bə əncom bıə muzakirəon, İliçef tələbış karde ki muhimmə mıvzoon əcumlə Rəşt-Ostoro reylz xətti dutey və mıştərəkə kamissiya 16 minnə iclos ya xot co qılə mıvzoon, 2 qılə kişvəri ğərol qətə məsələon və strukturonədə nəzər dəqətə bıbu.
3şənbə İyolə manqi 19 minnə ruj, Tehronədə, Rusiyə prezident Veladimier Putin de İroni prezident Sed İbrahim Rəiyisi vindemoni çərçivədə, İroni ğonəğdorə kişvərədə iştirok kardeyku, vey rozi be və muxtəlifə baxşonədə xususi beynəlxalğə əmniyyət baxşədə 2 qılə kişvəri həmkarion hevujətiku xəbəş do.
