Cənubi Ğəfğazədə Səlom Fərmondə himni pevolo bey

Qurcistoni paytəxt Tbilisədə nıvcıvonon kollektiv şikilədə Səlom Fərmondə himni handışone.

Bə İrib raporti əsos, Qurciston və Azərbaycan Respublikaədə bıə hırdənon nıvcıvonon ın rujonədə dıştə ailə bə ico Səlom Fərmondə himni handeydən ta ıştə eşği bə İmom Zəmon(ə)-i nışo bıdən.

Qurcistonədə nıvcıvonon dastədə plakart iyən boğdəğoni de ın məzmuni be: əv bome, dınyo ədalətış pidə, ədalət  Məhdi(əc) çəş kardəə, əmə tıni çəş kardəmon, ya Məhdi boy və əməni şo bıkə, ıştı ome ədaləti bəjiəkəy, ın həsrət kəynə təmom bəbe, əmə ıştə əhd-peymoni ijən tojə kardeyro oməmon.

Səlom Fərmonə çı Qilon ostani Mah nomo bıə himn qurupi tərəfo soxtə bəy.

In himn i minnə kərə dəvardə sori şəbanə manqi nimədə Qilan ostaniku pəxş be.

Tosə bə ısət Səlom Fərmonə muxtəlif kişvəron əcumlə, Livan, İrağ, Bəhreyn, İnqilis, Azərbaycan Respublika iyən çand qılə co kişvəronədə kollektiv şikilədə və de hırdənon hevujə iştiroki handə bəy.