Əliyevi aysberq ov be

İron bə dast vardə sənədonədə Tel-Əvivi de Boku miyonədə nunəkilə rabiton oşko karde, Əliyevi aysberq ov be işorə jedə.

İslam Respublika kəşfiyoti bardə ciddi əməlyaton nəticədə bə dast vardə sənədon kali hissə bə İsrail-Azərboycon əlağon aide. Bın barədə beynəlxalq enerji siyosət və avroasiya tədğiğaton sahədə analitik  Şuəyb Bəhmoni bəyon kardəşe.
Dın koy anqıl Bəhmoni İlham Əliyevi 2008-minə sori mayə manqədə de İsraili Di Təsərufat Vəzir Şalom Simhoni votəyonış bə yod dənoə.  Bəhmoni aysberqi şikilış dərc kardə, çəy jintonən Əliyevi de Natanyahu şikilış noə. Çın şikili jintono bəvədə Əliyevi "İsrail-Azərboycon minəsibəton bənə aysberqin, 10\9 hissə bə çəş çidəni" sıxanon nıvıştə bə.
In dıtərəfinə əlağon mahiyyət  de amerika diplomatik teleqrammi oşko bədiqə, Wikileaks portalədə dərc kardə bəbe. Əliyevi de sionist rejimi ğoym əlağədə be hicən qılı heyrətinə ko ni, intasi joğo sənədon bə dast varde bədiqə ımoni de hiç vonə edoe bəvəc əvoni.