Pezeşkiyan: bə ironi ərazi har qılə təcavuzi cəvob zumand bəbe

İroni prezdent de Tırkiyə prezdenti təşkil doə telefoniyə votımonədə votəşe: əmə canqi bino əkə bə nimon, əmmo cinayətkarə sioniston cəvobi dodəmon, har qılə səthədə hucum bıkən həmonə səthədə cəvob bədomon.

Pezeşkiyan votışe: əmə canqi rost karde domoədə nimon, əmmo bə ironi ərazi zid har qılə hucumi cəvobi pəşimonəkə holətədə bədomon.

İron İslom Respublika prezdenti təkidış karde əqər Amerkə pidəşe muzakirə tojədən dəvom pəydo bıkə bəpe əvvəl israili məntəğəiyə təcavuzon vəy bıqəto.

Tırkiyə prezdent Rəcəb Təyyib Ərdoğan həm ım votımonədə votışe: israil bəpe ıştə hucumon ğət bıkə və Tırkiyə ım votımonon bərpo kardeyu hozzoye.