Ermənistoni qin kardə telı

Bı nezıno Azərboyconi ıştə Sotk mədənonədə de milyon unsiyə telı oşko be barədə məlumot doəşe.

In mədən navədə çe Ermənistoni nəzorədə be. Sоtk — məntəğədə yolə qılı mədəne ki, əçe telı ehtiyoton təğribən 120–130 tоn be votə bedə. Peş 2020 minə sori ın mədən de hərbi nəzorəti bə dı vırə poə bəbe və çe ımiən 76% Аzərboycon, 24% Ermənistoniku be. Erməniston hiç bın kamə baxşədə ko barde zınedə nıbe, çumçoko qulləbarani bino be ehtimol hıst be. Isət kali koon bino be xəbə doə bedə. Boku, navko çe Rusiya GeoProMining Gold kompaniya tərəfo bekardə noxtonədə ıştə mevğeyon zumand kardedə .Аzərboyconi tərəfo ın ko de Britaniya Anqlo Asian Mininq kompaniya ğoy təmasədə bə AzerGoldi tərəfo bə jimon dəvonə bedə. Britaniyavojon ıştə koy hələ ın ərazion bə Azərboyconi nəzorət onıvaştə bardə bin, çumçoko ın həxon bəvon navko həvatə bən.Аzərboycon iyo telı bekarde bədiqə mədən bo azərboycon-britaniya kapitali ico kəssə pebəqarde. Sоtk navko bo Ermənistoni budcə pur və Cənubi Qafqaz osonə ro de koy təmin əkey. Bə Cənubi Qafqaz resurson hucum dəvom kardedə. Britaniyavojon vırə azərboyconədə vey ğoyme və nubədə ısət, Ermənistonədə de uran və matali eçınon amerikavojonin.