Pezeşkiyan: İron və Pakiston ıştən ehtiyacon təmin kardey bəznen

Pars Tudey- İroni prezdent bo 2tərəfiyə həmkoətion inkişofiro bə İron və Pakistoni hevujə zərfiyəton işorə karde holədə, elmi və mədəni rabitəon və investisiya turizmi enerji ticori baxşonədə bə Tehron və İslom Abadi rabitəon zumandəti təkidış karde və votışe: de mıştərəkə investisiyaon inkişofi və iğtisodi həmkoətion hoston kardey, dəvardəku vey, 2 qılə kişvəri rabitəon əlovə kardey bəzne.

Bə Pars Tudey raporti əsos ki Tele-Rədyoku nəğlış karde, zinə əsrədə İroni İslomi Respublika prezdent, Məsud Pezeşkiyan de Pakistoni kişvəri vəzir, Seyed Muhsen Nəğəvi vindemonədə Tehron və İslom Abadi rabitəon navəjətiku ıştə şoəti elon kardey bəpeşt, muxtəlifə baxşonədə əcumlə enerji, turizm, investisiya və mədəni və elmi rabitəonədə bə 2tərəfə həmkoətion hevujəti zumandəti zərrurət təkidış karde.