Daeşi Azəriyə uzvonku qıləyni həlok be.

Çəy bəpeştə ki Azərbaycan Respublika mediyaonədə çı İŞİDi terroristiyə qrupi Azəriyə uzvi təhdid əkə filmon muntəşir be ısət və 7 ruji bəpeştə xəbə omə ki ım şəxsi kıştəşone.

Bə Virtual az raporti əsos çı İŞİD terroristiyə qrupi ım uzv fevrali 6 ədə ıştə təhdid əkə filmədə bə İlham Əliyev votəş be ki, əqə Azərbaycan Respublikaədə məhbus bıə mısılmonon iyən islamçion ozod nıbon əmə çı siyasi akademiya tağut hırdənonon təlim doə mərkəz ijən prezidenti saray xərobə bəkamon.

Daeş terroristiyə qrupi ım uzv ıştə filmi oxoyədə bə İlham Əliyev çəş naviyeş doə ki, əqə Azərbaycan Respublikaədə mısılmonon ozod nıbon əvon həmmə bə İrağ, Suriyə və Əfğanestan hicrət bəkan.

Im şəxs xəbə dorətış doə be ki Azərbaycan Respublikaş bənə qıləy xuni diyo əvəz bəkay.

Bə həminə raporti əsos çı Daeş terroristiyə qrupi ım Azəriyə uvzi cəsəd pəynə şəv feyzbukədə muntəşir bıə əmmo çəy kışte və ya xoto həmonə filmi kəynə kəşə bey bardə hiç məlumati ni.