Azərbaycan Respublikaədə bıə tolışə milləti bəyoniyə

Azərbaycan Respublikaədə bıə tolışə millət, qıləy bəyoniyə muntəşirışon kardə.

Əmə bənə Azərbaycan Respublikaədə jiyə İronıjə şahrvandi pidəmone İronıjonro çand kəlmə sıhbət kəmon. jəqo ki vindemone İroni tərəfiku qıləy hərbiyə heyət Azərbaycan Respublika Ğərəboği sərzəminiku diyə kardışone, həmonə məntəğə ki həmişə çəyədə daveon heste. ım səfəri zərurət çiç be? İronıjonro ım səfəri mənafe oşko ni, əmmo de İroni rabitəonədə, Azərbaycan Respublika rəsmi şəxsonro qıləy du və bə dast dənoe bə hisob omeydə.

Həminə İronıjə hərbiyə heyət vey rə bə İron omə iyən qıləy raportədə ğeydış karde ki Azərbaycan Respublikaədə həmmə şəroyet çoke iyən çəməku vey çokə mehmondorəti əncom bıə. islam, şiə, islam dınyo ibemoni iyən islami erjonku sıhbət bıə əmmo ım miyonədə Pantırkizm iyən Əliyevi lobion əcumlə vey xoşhal bin, de Azərbaycan Respublika çəvon bəromə iyən ko hələ bımando iyən çəvonədə rovnəğ icod bəbe əmmo cəmədə ım bə dast dənoey bə İron İslam Respublikla mənafe zərbəş jə.

Azərbaycan Respublika, bə İroniku nifrəti nışo doe dəvom dodə, bə İroni ələyh çəvon təbliğon hiç vaxt kam nibəbe, kamilən Azərbaycan Respublika sionist rejimi jintonədəy və de çəvon icozə be ki Azərbaycan Respublika İroni heyəti ğəbulış kardə.

30 sor bəbe ki Azərbaycan Respublikaədə İron ıştə fırsəton dastiku doəşe və ımruj Bokuədə israil, Tırkiyə və Britaniya hakımiyət kardedən, çoknəy ki Suriyə, Yəmən, Livan, İrağ, Afriqa və hətto Amerkədə, İron de muvəffəğiyəti ıştə siyasəton dumoədəy, qıləy holədə ki Azərbaycan Respublikaədə həmmə çiyon məhv bıə iyən dastiku şedə? 

Azərbaycan Respublikaədə millət ki həğiğətən İron və Əhle Beyt(ə)-i məktəbiku himoyə kardedən, zindoni, ixrac, kıştə ya təğib bıdən. In kişvər Tırkiyə boydəği jintonədəy. İronədə kom kəsonin ki bə ım əğidə hakımiyəti ehtiyocışone? kom kəsonin ki İronıjə rəhbəron bə dast dənoəşone iyən əvoni mudiriyət kardedən?