İron və Rusiyə mədəni fəalon həmkoəti zəminə icod kardeyro Tehroni hozzoəti.

Moskva beynəlxalğə kitobi 35 minnə dıvrə nımoyeşqoh iştiroki kənoədə, İroni islamiyə mədəniyəti vəziri muavin elanış karde, İron və Rusiyə mədəni fəalon həmkoəti zəminə icod kardeyro Tehron hozzoe.

Zinə şəmbə Moskva beynəlxalğə kitobi 35  minnə dıvrə nımoyeşqoh ko bino bıə. Im dıvrə nımoyeşqohədə, kişvəroni əcumlə İron, Ğəzaxıston, Ğırğizıston, Belarusiya, Erməniston, Çin və Almaniya səmti iştirok kardışone ki ıştə tojə əsəron təğdim kardən.

Bə İrna raporti əsos, İroni İslamiyə mədəniyəti vəzir Yasır Əhmədvənd Rusiyə de Rusiyə kitobəhvaton və naşiron ittifoği rəis votımonış karde, iyən 2 tərəf İron və Rusiyə miyono informasiya və məlumaton mıbodilə roon barədə de yande sıhbətışon karde.

Əhmədvənd ijən əlovəş karde, İronədə kitobəhvaton iyən kitobxonəon barədə veyə təcrubəon mucudin, və veyə şəxson ım baxşədə fəaliyət kardey holədən, de ım vıcud bəpe təcrubəon mıbodilə iyən Rusiyə mədəni fəalon təcrubəonku istifodə kəmon.