Oktiyabrə manqədə, Azərbaycan Respublika iyən Ermənistoni marzi delimitasiya təyin kardey komissiya iclos.

Cari Oktiyabrə manqədə, Azərbaycan Respublika iyən Ermənistoni marzi delimitasiya təyin kardey komissiya iclos bərpo bəbe.

Azərbaycan Respublika de Ermənistoni marzi delimitasiya təyin bıə komissiya iclosi, Zənqzor koridori qətey dumoədəy, əmmo Ermənistoni rəsmi şəxson de ım plan muxalifin.

Bə İroni sərhədiku xaric bıə Tele_rədio iyən xəbə idorə Asiya qrupi raporti əsos, ki ictimai televeziya kanalon muxtəlifə bərnoməon, TV  Musavat və co qılə Boku mediyaonədə, muntəşir bıə, ım xəbə iyən təhliliyə bərnoməonədə bə Miladi 1920 minnə sori plani əsos, Azərbaycan Respublika rəsmi şəxson hədəfon təbliğ iyən təkid bəbe.

Azərbaycan Respublika, 2 qılə kişvəri marzon təyin kardeyro, Miladi 1918-1920 minnə sori xəritə bə hisob vardey tələbış karde. həmonə xəritə ki bəvədə Ğərbi Zənqzori (Ermənistoni cənub)vey baxşon bə Azərbaycan Respublika sərzəmin məxsus be, və ım kişvəri torixiyə ərazi bə hisob omeydə be. qıləy holədə ki İrəvan, Miladi 1991 minnə sori xəritə , 2 qılə kişvəri marzon təyin kardey sənəd zıneydə, həmonə xəritə ki Səvet hukuməti suğut kardey bəpeşt, Azərbaycan Respublika iyən Erməniston bə çəy əsos ıştə istiğloli elanışon kardə.

İctimai televeziya kanalon muxtəlifə bərnoməon, TV  Musavat və co qılə Azəri mediyaon ıştə təhlilon və xəbəonədə, təsdiğış kardə ki Boku deştə vey çokə hərbi zumandəti vositə, Miladi 1920 minnə sori xəritə sənəd ğəror doeyro, ıştə tələbi bə Erməniston icbor bəkarde.