Ayətullah Xameneyi və xarici siyosət
In haftə, de Ayətullah Seyd Əli Xameneyi pokə bədəni vidu mərosim bə dınyo qıləy siyosi muhimmə hodisə təbdil be.
Bın holədə, qıləy torixiyə mərosimiku bəpe, ın hodisə bo çəy irsi təhğiğ bardeyo qıləy muhimmə fırsətış icud kardə.
In cəhəto, qıləy muhimmə məbhəsonku, İroni xarici siyosəti vədə Ayətullah Xameneyi qətə mevğe zıneye.əv bovəşo hest be ki, xariciyə siyosət bəpe bə izzəti, iyən hikmət və məsləhəti əsos bıbu.
Çəy nəzəku, mıstəğiləti, təslimi inkur karde, milliyə foydəonku mıdofiyə kardey və qıləy kişvəri rişə hifz kardey, diplomatiya əsliyə əsosonku bin.
Çmisə əlovə, əv de hamsuyan rabitə zumand kardey, de İslomiyə kişvəron həmkoəti hevuj və mıstəğilə millətonku himoyə kardey təkidışon hest be.
Nəticədə, çəy rəhbəri devranədə xarici siyosət, mığovimət, həmkoəti və “sıə xəton” hifz kardeyədə tarif bedə be.
In çərçivədə, mızokirə və de sayir iştimoyəton və hətta sayi ğudrəton,Vaxti mənoş hest be ki, de insoniyə prensibon, milli zumandəti və milləti foydəon bəico bıbu.
In qətə mevğe əmələdə həm ıştəş nışon do, çun ki, Ayətullah Xameneyi heç qıləy vaxti israyilış rəsmi nızni və bə İron Amerkə səforətxonə oqardey icuzəş nıdo.
