İroni bə Rusiyə damon ixracat kardey

İroni ticari bə inkişof rəsey təşkilati rəis, kişvəri damon ixracatiku bə Rusiyə səmti xəbəş do.

İron və Rusiyə  2tərəfiyə muxtəlifə baxşonədə xususi iğtisodi, hərbi və əmniyyəti və məntəğə və beynəlxalğə məsələon barədə bənə de Amerkə unilateralizmi muğabilə kardey, mıştərəkə stratejikə mənafeon soybin və dəvardə soronədə ım mıştərəkə çiyon 2 tərəfə nezə həmkoətion vey muhimmə amil bə hisob omeydə be.

Bə İsna raporti əsos, İroni ticari bə inkişof rəsey təşkilati rəis, Əlirıza Peyman Pak votışe: Rusiyə damon vojor 20 milyard dollar erji soybe və ım vojor varid beyro, İron plan kəşəşe.

Peyman Pak ijən əlovəş karde: bə sanksiyaon illəti xoto, ğərbi şirkəton Rusiyəku xarıc bey, İroni şirkətonro vey mınosib və çokə vojor icod bıə ki karde bəzne ım vojoriku istifodə ko.

İroni ticari bə inkişof rəsey təşkilati rəis işorəş karde ki ım vojoronədə iştirokiro plan kəşə bıə ijən əlovəş karde: dəvardə manqonku həminə ko bə vırə rəsey ko bino bıə və ısət, anti xərçənq damon ixracati barədə çokə təvafuğon əncom bıə.