Əmirəbdullahiyan: Ğəfğazədə ixtilofon hələkə rooy, 3+3 icloson iyən reqional mexanizmonin.
İroni xarıci vəzir, de Azərbaycan Respublika xarıci vəziri telefoniyə votımonədə təsdiğış karde: İron İslam Respublika etığadış heste, Ğəfğazədə ixtilofi hələkə rooy, 3+3 iclos iyən reqional mexanizmonin.
Bə İrna raporti əsos, İroni xarıci vəzir Huseyn Əmriəbdullahiyan və Azərbaycan Respublika xarıci vəzir, Ceyhon Bayramev telefoniyə votımonədə, bəzi 2 tərəfiyə mıvzoon və məntəğə iyən beynəlxalğə baxşədə mıştərəkə məsələon barədə de yande votımonışon kardə.
Im telefoniyə votımonədə, İroni xarıci vəzir, bə İron İslam Respublika və Azərbaycan Respublika çokə rabitəon işorəş karde iyən bə məntəğə kişvəron ərzi təmamiyyət əcumlə Azərbaycan Respublika kişvər təkidış karde iyən əlovəş karde: İron İslam Respublika etığadış heste, Ğəfğazədə ixtilofi həlli hələkə rooy, 3+3 iclos iyən məntəğə mexanizmone və həmişə ıştə həmmə cəhdon əncom dodə və bədoe ki Azərbaycan Respublika iyən Ermənistoni miyono muşkilaton həl ko.
Əmirəbdullahiyan məntəğədə de harcurnə xarıci hərbiçiyon sakın bey, ıştə muxalifəti elanış karde və ım məsələ de məntəğə həmkoətion və stabiləti iyən sulhi əks zıneydə.
Im telefoniyə votımonədə həmçınin Azərbaycan Respublika xarıci vəzir, 2 qılə kişvəri xarıci vəziron mıstəğim iyən daimə rabitəon, Tehron və boku miyono rabitəon nığıləti nışonə zıneydə iyən votışe: əmə bə ım rabitəon erj iyən ehtırom nışo domone.
Im telefoniyə votımoni dəvomədə, Ceyhon Bayramev, Əmiyəbdullahiyani telefoniyə votımoniku iyən bə Ermənistoni səfəri nəticəon bəyon kardeyku ğədrdonətiş karde iyən bə məntəğə stabiləti iyən sulh icod kardeyro İron İslam Respublika koməkiku ğədrdonətiş karde.
Əv ijən de məntəğədə xarıci hərbiçion sakin bey, ıştə muxalifəti elanış karde və bə məntəğə həmkoəti dəvom əcumlə məntəğədə əmniyyət və stabiləti komək kardeyro, bə 3+3 iclos təkidış karde.
Azərbaycan Respublika xarıci vəzir həmçınin İroni İslamiyə şura parlamenti rəisi vəoməy səfər bə Boku barədə ıştə rizoyəti elanış karde iyən ım səfər, 2tərəfiyə rabitəon inkişofi koməki cəhətədə, vey muhimmə qəm bə hisobış varde.