Bə Aəzrbaycan Respublika prezidenti sıxənon, Kənani reaksiya.

İroni xarıci vəzarətxonə sıxənəvot, Ermənistoniku İron İslam Respublika himoyədorəti barədə, Aəzrbaycan Respublika prezident, İlham Əliyevi oxonə sıxənon reaksiya nışoş do iyən votışe: İron İslam Respublika prinsipon siyasət bə de həmmə hamsuyəon rabitəon hevujəti əsose iyən he har qılə hamsuyəon çokə rabitəon zumand kardey jıqo ni ki İroni rabitəon bə co qılə hamsuyəon ələyh bıbu.

Bə İrna raporti əsos, zinə rujədə Nasır Kənani bə Ğərəboği məntəğədə bıə şimoli 2 qılə hamsuyə dırozə daveon vədə, İron İslam Respublika prinsipi siyasət işroəş karde iyən təsdiğış karde: Tehron həmişə  Aəzrbaycan Respublika iyən Ermənistoni miyono uxtilafo sulhomiz həlli iyən ərzi təmamiyyəti oqətey, iyən de həxi rioyət kardey və beynəlxalğə həxon çərçivədə təkidış karde iyən  Aəzrbaycan Respublika səzəminon işğali məhkumış kardə və vey barzə səthədə ım sərzəminon ozodiku himoyə kardedə.

Kənani ijən  Aəzrbaycan Respublika və Ermənistoni marzonədə, oxonə manıvri əncom bey normal iyən plankəşə hərəkət zıneydə ki ım mərosimi bərpo bey bənav rəsmi mənbəonku çəy xəbə bə hamsuyə kişvəron rəsəş be.

İroni xarıci vəzarətxonə sıxənəvot co kərə təkidış karde: Ğəfğazi muşkilaton həlli roy, nə bə beynəlxalğə hərbiçion mırociə kardey bəlkəm məntəğə kişvəron paytəxtiku dəvardedə, və İron İslam Respublika tojədən, 2 qılə kişvəron şimoli hamsuyə miyono baği mandə məsələon həlli komək kardeyro, Tehronədə 2tərəfi, 3tərəfi iyən 6tərəfiyə məntəğə təşəbbusi ğolibədə, ıştə hozzoəti elan kardedə.