De Boku sulh təvafuği imzo beyro, İrəvani hozzoəti

Ermənistoni iminnə vəzir, co kərə İrəvani de Boku muzakirəonədə bıə Rusiyə nəzəon təsdiğış karde və votışe: çıme kişvər hozzoe ki de Azərbaycan Respublika sulh təvafuğnomə imzo bıko.

Şənbə rujədə Ermənistoni iminnə vəzir, qıləy mısohibədə elanış karde: umidım heste Buko təsirin surətədə votımononədə hozzo bıbu və bə İrəvani təklifon cəvob bıdə.

Paşiniyan ijən təkidış karde: Rusiyə təklif Ğərəboği mıvzo bə di dəğande,bə noməlumə zəmoni məxsuse, əv ijən votışe: Miladi cari sori oxoku bənav, və sulh təvafuğnomə imzo beyro, Erməniston ıştə həmmə cəhdon əncom bədon.

Bə Fars aqentiyəti raporti əsos, ki Niyoz Armniyku nəğlış kardə, Çoşəmbə rujədə Ermənistoni iminnə vəzir, Nikol Paşiniyan votışe: Erməniston de Azərbaycan Respublika muzakirəon vədə Rusiyə nəzəon, "bandiyə Ğərəboği" sakin bıə Əramənə həxon əmniyyət və qarantiya bois bəbe.

Paşiniyan ijən işorəş karde: de Boku muzakirədə, Erməniston ıştə həxon iyən Ğərəboğədə sakin bıə Ermənion həxonku mudafiə kardedə, əv ijən əlovəş karde: bə nəzə rəsə ki beynəlxalğə ictimaədə həm ım təfahom mucude ki bəpe Boku və Ğərəboği nımoyəndəon miyono Ermənion həx-huğuğon barədə, qıləy şəfofə votımon əncom bıbu.

Fransə səna, de 295 qılə muvafiğə sədo, qıləy ğətnomə imzoş kardə ki bəvədə ım kişvəri dıvlətiku tələb bıə ki Miladi 2022 minnə sori Sentiyabrə manqədə bə Ermənistoni ələyh həmləon xoto, Azərbaycan Respublika sanksiya ko. Im ğətnomə həmçınin bə Ğərəboği rəsmi zıney zərrurət təkidış karde iyən əlovəş karde: bə Ğərəboği ələyh Azərbaycan Respublika çand kərə həmləon, ımniyyət və ozodi təhdid kardedə.