Ermənistoi xarıci muavin: Tehron iyən İrəvani rabitəon zumand bəbe.
Ermənistoni xarıci vəziri siyasi muavin bə İron və Ermənistoni kanə rabitə işorəş karde iyən votışe: muxtəlifə zəminəonədə, Tehron və İrəvani rabitəon zumand bəbe.
De diğğət bə İron və Ermənistoni kanə rabitəon, 2 qılə kişvəri miyono nezə rabitəon mucude, bə məntəğə daveon iyən bəzi problemon vucudi xoto, muxtəlifə baxşonədə bə ım 2 qılə kişvəri rabitəon əlovə kardey təsir noəşe. bə həminə xoto, hamsuyə kişvəron miyono və de İroni ticari və iğtisodi rabitəonədə, Erməniston vey çokə vırə soybe.
Bə İrna raporti əsos, zinə və Tehronədə Ermənistoni səforətxonədə Farsi-Erməni və Erməni-farsi 2 zıvonə diplomatiya mədəniyəti nışo doey mərosimədə, Ermənistoni xarıci vəziri siyasi muavin Menatsakan Səfariyan təsdiğış karde: oxonə soronədə 2 qılə kişvəri rabitəon vey inkişof peydoş kardə və vəomeyədə həm muxtəlifə zəminəonədə əlovə bəbe.
Səfariyan həmçınin bə diplomatiya liğətnomə ki bə Vahaqen Afiyan və de Tehroni beynəlxalğə nəşron vositə muntəşir bıə işorəş karde iyən əlovəş karde: ım hərəkət 2 qılə milləti rabitəon zumand kardey cəhətədə qıləy ğədəm bə hisob omeydə ki diplomatiya baxşədə vey muhimmə hərəkəte.
Zinə Diplomatiya mədəniyəti nışo doey mərosim de Ermənistoni xarıci vəzir Vahan Qostaniyan, vəziri mışovir, Vahaqen Afyan, Ermənistoni xarıci vəzarətxonə hamsuyə kişvəron mudir səbo Serkisiyan əsğəfe əzəm və Tehronədə bıə Ermənistoni səfir Arsen Avakiyan bərpo bıə.
Im luğətnomədə iğtisodi, siyasi, ticari və onformasiya texnoloqiya baxşonədə bə farsi və Erməni zıvon nıvıştə bıə.