Bə Azəri Səhəri kanali ələyh, Azərbaycan Respublika rəsmi şəxson problem icodəkə hərəkəton.
İroni Azəri Səhəri kanali ictimaiyə səhifə və televeziyaku, de Heydər Əliyevi sənədinə filmi anonsi pevlo kardey vositə, bə ım kanali səhifəon hucum bino iyən ım kanali utubi əsliyə səhifə dəbastə bıə.
Oxonə 2 manqi mıddətədə Azərbaycan Respublika mediyaoədə bə İron İslom Respublika ələyh co tələb iyən ğovmi təbliğiyə hucumon bino bıə be ki d Azərbaycan Respublika prezident, İlham Əliyevi rəhbəri iyən mudiriyət de şiddətin surətədə əlovə bıə.
Azərbaycan Respublikaədə həm Azəri səhəri kanali sayt həm dəbastə bıə.
Bə Səhəri qelobal kanali umumiyə rabitəon raporti əsos, İlham Əliyev bə İroni ərzi təmamiyyəti ələyh iyən de hamsuyəti çokə rəftori əks ıştə oşko iyən mıdoxilə icodəkə sıxənon çərçivədə, dıvləti mediyaon iyən ictimai kanalon de sioniston himoyədorəti bə İroni ələyh qırdış karə.
Həminə hərəkəti dumoədə ğəror bıə Azəri kanal, qıləy sənədinə film bə Heydər əliyevi nom ıştə pevlo kardey bərnoməonədə ğəror bıdə.
Heydər Əliyevi sənədinə film, bə İroni ələyh Paşayevon iyən Əliyevon ğovmon rejimi təhrikəkə siyasətonku de fakton iyən sənədon oşko kardedə.
Heydər Əliyevi sənədinə pevlo kardeyku, Azərbaycan Respublika dıvləti tars iyən niqəronəti anədə be ki ım filmi pevlo nıbeyro ıştə həmmə cəhdon əncomış do.
Əlovə bə dıvləti mediyaonədə rəsmi şəxson vositəçiyəti, Azərbaycan Respublika de şirkəton və interneti koəkəyon təhdid kardey vositə, səhəri kanali səhifəon riportış kardə.
Azəri Səhəri kanali mıhtəvo vey muhimmə əbzaronku qıləyni çəy Ytubi kanal be, de diğğət bə Azər Spis peyku istifodə kardeyədə, Azərbaycan Respublika hukuməti vəy qətey iyən Azərbaycan Respublikaədə Azəri Səhəri kanali sayti dəbastey, Heydər Əliyevi sənədinə filmi pevlo kardey tosə kanali əsliyə kanali oqardey zəmon və ya ısətnə kanali moxatəbon bə nakonə moxatəbon mığdor rəsey pevlo nibəbe.
Ğəror be dekabrə manqi 11 minnə rujədə(işəmbə) iyən Dekabrə manqi 12 minnə rujədə(dışəmbə) Azəri Səhəri kanaliku Heydər Əliyevi sənədinə film pevlo bıbu.