Bokuədə bıə İroni səfir: xərçənqə vəz nomo sionist rejim sə əməliyoti bəbe
Bə sionist rejimi səfiri be əsosə sıhbəton reaksiya nışo doe çərçivədə İroni səfir votışe: bənə xərçənqi vəz mandə sionist rejim hukmən de əməliyoti damon bəbe.
Bokuədə bıə İroni səfir Seyd Əbbas Musəvi zinə ıştə Tvitter mesajədə iyən bə Bokuədə bıə sionist rejimi səfiri beəsosə qəpon reaksiya nışo doe xoto nıvışteşe: sionist ğəyri ğanuni iyən mıvəğğət rejimi əks ki çəy 70 sornə vucud bois bıə ta milləton bənə qıləy xərçənq vəzi noxəşətiku dardin bıbun, İron bənə 7000 sor kanəti və rişədorə kişvəri həmmişə çı dınyo əmniyət və stabileti mərkəz be.
Musəvi təkidış karde: bənə xərçənqi vəz mandə sionist rejim hukmən de əməliyoti damon bəbe.
Bokuədə bıə sionist rejimi səfir Qıork Dik tojədən votəş be ki İroni inğilobi bəpeşt İronədə bıə Yəhudion vəziyət dəvardəyon barədə nıvotəninə dıltanqi iyən faciəon və bə tale xususi ım rujon umudəvubey ğissəy.
