Ruşnə ovoştoniyero Avropa ittifoğ iyən Azərbaycan Respublika təvafuğ
Avropa ittifoğ de Azərbaycan Respublika qıləy təvafuğnomə imzoş kadə ki bəvədə təvafuğ bıə tojə dıyo elektrik kabli royku Azərbaycan Respublikaku ruşnə varid ko.
Bə Dışəmbə ruji Tele Rədio aqentiyəti raporti əsos, Bokuədə bə Avropa səmti ruşnə ixracati imzo bey bəpeşt, Azərbaycan Respublika prezident, İlhom Əliyev təkidış kardə: ım təvafuğ nışoş do ki çəy kişvər Avropa enerji təmin kardeyədə rolış heste.
Im mıvzo barədə Avropa kamissiya yol Orsola Fanderlayn həm votışe: Avropa ittifoğ ğərolış qətə ki Rusiyə bə sığ oqardə bıə sutemoni vıl ko iyən enerji baxşədə bə etemodinə şərikon səmti bışo.
Azərbaycan Respublika prezident İlhom Əliyev həmçınin bə Avropa məğsədi qazi ixracati əlovə beyku xəbəş do iyən votışe: ım kişvər pidəşe ki vəoməy sorədə 11.6 milyard kob metr qaz bə Avropa ixroc ko.
Avropavıjon ki ıştə ehtiyocinə enerji yolə baxşon əcumlə ıştə ehtiyocinə qazi Rusiyəku təmin kardedən, Amerkəku dumo şe və Ukrayna canqi icod kardey bəpeşt, enerji təmin kardeyədə de problem dim bə dim bıən. bə Avropa sanksiyaon reaksiyaədə Rusiyə ıştə qazi bə havzə qitə dəbastəşe. ısət Avropa paytəxton, Rusiyə qazi əvəzi co qılə əvəz bey mənbəonro cəhd kardedən, əmmo de əncom bıə cəhdon və kişvəroni bənə Tırkəməniston və Azərbaycan Respublika təbii qazi hırye boho bey vucudi sadə fəsli iminnədə həmçınan de kam bey dim bə dim bıən.
