Azərbaycan Respublika dıvləti istibdod iyən fəsodi tənğidəkəyonku çand da nəfər dastqir bey.

Azərbaycan Respublikaədə, ım dıvləti fəsod iyən istibdodi tənğidəkəyonku çand da nəfər dastqir bıən.

Bə xəbəiyə mənbəon raporti əsos, Boku polis əlovə bə ım tənğidəkəyon dastqir kardey  həminə hodisədə co qılə məznon bıə kəson və milləton həm dastqirış kardə.

Azəri şahrvandon bə  Azərbaycan Respublika fəsodə hakimi tənğidəkəyonku qıləyni yəni Bəxtiyar Haaciyevi ozodi xoto, vey cəhdışon kardə ki Boku mərkəzədə qırd bıbən ki təğribən ım qırdə bemonədə həmmə kəson dastqir bıən.

Bəxtiyar Haciyev tojədən bə ım illət ki fəsodiku tənğidış kardə be, Azərbaycan Respublika məhkəmə və kişvəri vəzarətxoədə dastqir bıə be və bə həminə pesixi və cismoni saxtə şəroyeti etırozədə vəşiyonəti aksiyaədə ğərorış qətə.

Həminə qırd bemoniku bəjiyə filmon nışoş do ki Buko polis har kəs ki etıroz kardey holədə be hətto  jurnaliston təcili surətədə  dastqir əki.

Qırdə bemoni bənav həm  həminə etırozi məznon bıə kəsonku çand da nəfər ıştə kəku dızdiyə iyən dastqir bıən.

"mudafiə Xətt" nomo bıə qrupi rəsmi şəxs Rəfət Səfərov ki siyasi zindon bıə həxon mudafiəro vey cəhd kardedə qıləy mısohibədə votışe:  əmə karde zınəmon nıbe ki qırd bemoniro bə təyin bıə vırə bırəsəmon, boçiki çəmə kə kənoədə əməni dastqir kardışone.

Əv ijən əlovəşkarde: Boku polis, Zaor Əkbər, Zəfər Əhmədev iyən Asef Yusofli həm çəvon kədə dastqirışon kardə.