Yəmənı alimon bəyonot Məkkə hədəf qəte həxədə iddaon rəd kardeyu

Im bəyonot Səna şəhrədə hozzı bə Hicri ğəməri 1448 nə sori rəbiulaxəri 6(2026 sentiyabri 17) De əbaxş və mehrbanə Xıdo numi

İbodət bə Xıdavəndə xalıği məxsuse , dınyo pərvərdiqar həmon ki hamiyəşe: ey kəsoni ki imonın vardə əqər qıləy fasiğ şıməyu qıləy xəbəş varde təhğiğ bıkən məbodo nodonətiədə bə qıləy qrupi ziyan bırosnən və peşo ıştə əncom do koyku pəşmon bıbən.Subhanə Xıdo hamiyedə:çimiku bə kəno ni kəsoni ki bə Xıdavəndə xalıği ayəon imon vardə ninduə xəbəron nisbət dodən,ısət ki əvon ıştən duəvuj hestin.Çəmə səlom bə Muhəmməd(s) ki hamiyəşe:4 qılə xusiyət ki ha kəs əvonış bə i co bıbo munafiğe və ha kəs çəvonədə qıleniş bıbo nifağı ilə xıslət bəvədə heste tosə bə zəman ki əy tərk bıkə vaxti ki sıxan kardedə du bıvoto,vaxti ki vədə dodə ıştə əhdi bə lınqi ji bınə,vaxti ki əhd-peymon dəbastedə xəyonət kardedə, vaxti bə deşmenəti rost bedə həxiku təcavuz kardedə.Xıdavəndə xalığ çok və hidoyət pəydo bıkə əshabiku şoy ,əmma bəd:Yəmənı alimon de təəccub və şiddətinə etirozi be marz iyən fıtnə icod bıkə mediyaiyə hucumonku iftira və oşkoə pesoxtə qəponku ki Səudiyə nizom çəy məsuliyyətış bə qi qətə, təğib kardedə, nizomi ki de duə qəpon və bıhton idda kardedə ,hikmət və imonış bıə millət milləti ki sulh və canqədə bə Ğıron, sunnət və tarix iyən ıştə barzə əxlaği bovəş heste cəhdış kardə Məkkə və mığəddəsə məkanon hədəf bıqəto.əmə həmçinin ım notəmizə roon, pesoxtə qəpon və ğeyre həğiğiyə şəhodəton ki təcavuzkarə podşoə hukumət islam dınyoədə ictimaiyyətədə bıə fikron təhrik kardeyu iyən tojə muzdoron ya nukəon cəzb kardeyu istifadə kardeş pidə məhkum kardəmon əv həm çəy bəpeştə ki çəvon tojə koalisiya, çəvon ğədimiyə koalisiya vılo be bəpeştə məğlub be.Çəvon hədəf həm yəmənı mıslmonə milləti sima bevəc karde,deşmenə Amerkə və sionist rejimi xıdmətədə toyfəiyə fıtnəon icod karde , yolə cinayəton puşne və komilə holətədə yəmənı milləti muhasirə kardeyuyQıləy holədə ki bə Xıdo rəsul(s) əhəmmiyyət dodə nin ki hamiyəşe:ha mıslmoni xun, mol və abro bə coqlə mıslmoni hərome.Həmçinin hamiyəşe: ə kəs ki çəy hamsuyə əçəy şər və piyarışiku əmonədə nıbo imonış vardə ni.Bə ım qımro bıkə mediyaiyə hucumon cəvob doeyu və ım botilə iddaon rəd kardeyu yəmənı alimon cəm bən və ım bəyonotışon hozzı kardə:1-yəmənı alimon Səudiyə nizomi idda , Məkkə hədəf ğəror doe barədə ğətiyə holətədə rəd kardedən və təkidışon heste ki ım botilə idda ki har qılə həğiğiyə məbnoku bə kənoy və de duəvujəti iyən iftira məşhur bıə nizomi tərəfo ğəyrəz iftira və bıhton ni və har qılə etıboriku bə kənoy.əvon təkid kardedən ki həminə iftira ıştən qıləy yolə cinayəte ki ə nizomi bə Yəmənı milləti zid veyə cinayəton iyən ərəbi və islomiyə omməti zid cinayəton, təcavuz, muhasirə, dəhşət icod karde iyən fıtnəon icod karde əlovə bedə.Eyne holədə ha məmləkəti dəvon bə ico bə yəmənı milləti zid təcavuzədə daxil be vədə çəşnavi dodəmon və təkid kardəmon ki jıqo nizumiku bə kəno ni bə Məkkə və mığəddəsə məkanon zid cinayəton əncom bıdən peşo əy bə yəmənı milləti nisbət bıdən.Ğeyd bə iddaon həmçinin deşmenə siyanistonru erjinə fırsət icod kardedə ki mığəddəsə vıron hədəf bıqəto və mıslmonon miyonədə dave və canq icod bıkə. 2-Yəmənı alimon ,Səudiyə nizumi, hərəmeyne şərifeynıku istimariyə hədəfon xıdmətədə bəhrə bardə ki çəvon məğsəd, islom dınyo zəif karde və mıslmonon sərvəton bə çanq qəteye, ğətiyə holətədə rəd kardedən.əvon təkidışon heste ki islomi mığəddəsatonku mudafiə karde bə həmmə mıslmonon qi və çəvon əvələdə yəmənı milləti qiədə ğərorış qətə.Mincumlə çı mığəddəsatonku Məscidul Əğsa muhasirə beye ki ğəsb bıkə işğalqərə sioniston təziğ və sultə jiyədəy.3-yəmənı alimon təkid kardedən ki səudiyə nizol ım bə nəticə nırəsə cəhd, iftra iyən yolə məkr, təcavuzi vədə yəmənı milləti mığaviməti bevəc eklam kardeyu, bənə çəvon nakonə fəaliyyəton məğlub bəbe.Mıtəalə Xıdo hamiyedə:və həğiğətən ə kəsonımon ki çəvonku bə nav hest bin imtivonımon karde, pəs Xıdavəndə xalığ ə kəson ki rustışon vote və həmçınin duəvojon oşko bəkay.Və subhanə Xıdo hamiyedə: məqər jıqo ni ki bevəci bə çəy əhli nazil bəbe.4-Yəmənı alimon,dınyo həmmə azadəon və çəvon əvələdə alimon və mediyaonku dəvət kardedə ki yəmənı məzlum və de təcavuz məruz mandə milləti kənoədə bımandon və səudiyə nizumi mediyaiyə reklamon tələdə qiriftir nıbon, təbliğatoni ki hadisəon çəy du iyən botil beş oşko kardə və Ğəzzə hadisəon cəriyanədə çəy məğlubiyətiş nışon doə.5-Yəmənı alimon , bəzi məmləkəton, elmi, dini təşkilaton və etıborinə şəxsiyyəton sıst və zəifə siyasəton ki bəpe bə yəmənı milləti zid təşkil bə canqiyə cinayəton-dınyo çəşon vədə və beynəlxalğə ictimaiyyəti huzurədə, ıştə sədo rost əkəyn, məhkum kardəmon.əvon ım odəmonku pidəşone, subhan və mıtəalə Xıdo vədə ıştə əhd iyən ehtıromi, emə bıə xunon iyən ə xuni ki ısət həm emedən və darıştə bıə abroonku bə kəno oqəton. Ləyoğətin ım be ki əvon ım məsələon həxədə təhğiğ əkəyn və tadibəsə əməl nəkəyn, jəqo ki mıtəalə Xıdo hamiyedə: ey kəsoni ki imonın vardə əqər qıləyfasiğ şıməru qıləy xəbəş varde təhğiğ bıkən , məbodo nodonətiku bə qıləy qrup ziyan bırosnən və peşo ıştə əncom doə koyku pəşmon bıbən.məbodo yəmənı mıslmonə milləti xuni ekardeədə şərik bıbən.Yəmənı alimon həmçinin rəhmaniyə alimon və çəvon əvələdə Ummanı səltənətiyə mufti və Livaiya mufti iyən yolə ruhanion şərofətinə siyasətonku təğdir kardən.əvon həmmə mıslmonə alimon və çəvon həmmə muəsisəonku xususi şərifə Ələzhər, mıslmonon alimon beynəlxalğə itifağ və Rabitul Aləm Əlislamiyəku tələb kardedən , təhrik bıkə dəvəton cəhətədə yəmənı milləti kışteyu və çəvon sima bevəç nışon doeyu hərəkət nıkən.əvon alimon və muəsisəonku tələb kardedən əqər həğiğətən mıslmonon mığədəsaton niqəranətişon heste Səudiyə nizomi tərəfo bə yəmənı milləti zid muhasirə iyən təcavuzon oxo doeyu cəhd bıkən və Xıdavəndə xalıği bə çəvon uhdə noə vəzifə əncom bıdən jəqo ki kərimə ğıronədə hamiyedə: və əqər 2 qrup muminunko de i yandı bə canq rost bin çəvon miyonədə sulh bərpo bıkən və əqər çəvonədə qıleni bə co kəsi təcavuzış karde de təcavuzkari canq bıkən ki bə Xıdo duə əmri oqardo, əqər oqardə çəvon miyonədə de ədoləti sulh bərğəror bıkən iyən ədoləti bərğəror bıkən çun ki Xıdavəndə xalığ ədoləti bərpo kardəkəsonış pidə.Eyne holədə əvoni yəmənı vindeyu dəvət kardən ki nezicu Səudiyə təcavuzi cinayəton və muhasirə əsəron muşahidə bıkən və sərost çəvon bə yəmənıjon zid cinayəton və ğətlıamonku xəbədo bıbon.Eyne holədə bəvonku pidəşe deşmenə siyanisti Məsciduləğsa, Ğəzzə, Fələstin, livan və suriyədə əncom doə cinayəton vədə ıştə vəzifə əncom bıdən əqər həğiğətən islomiyə mığəddəsaton vədə ğeyrətışon heste.Və əqər tırampı bə Kəbə be ehtıroməti məhkum kardən bəpe Səudiyə nizomi tərəfo yəmənədə 1 həzo sə veyə məçiti nabod karde həm məhkum bıkən.6-yəmənı alimon təkid kardedən ki de pesoxtə bə mediyaiyə ğalməğalədə karde əzın nin de təcavuzi cinayəton çəmə muminə milləti ğətlıam və nabudi niyon karde, milləti ki bə islomi barzə əxlaği bovəş heste.Im ğalməğal eyne holədə karde əzın ni muhasirə-muhasirə vədə iyən şiddətinə hərəkəton-şiddətinə hərəkəton vədə bıə muadilə əvəz karde.əvon yəmənı ərteşi siyasətonku və de əsiron və bə xətoə ro eqıniyə kəson ki bə deşmeni ordoqoh umuj qıniyən və peşo oqardən, çokə rəftoronku və bə hənifə şəriəti təlimaton əməl kardeku tərifışon kardə.7-Yəmənı alimon Səudiyə nizumi tərəfo bə Kəbə be ehtıromətion məhkum kardedə mincumlə bə Kəbə pardə be ehtıromətion, Abıstiyənı siyanistə cinayətkari tərəfo və əy poymul karde və ləğə je məhəl karde iyən kəbəku qıləy maket suxte və çəy ətrofədə fəsotkardə jenon raxs karde əncom bə.Həmçinin fəsotinə mərasimon Hərəmeyne Şərifeynı sərzəminədə bərpo be dəvət ə handəkəsonku ki bə ilahiyə zoti be ehtıromətişon kardə şərabi mubah karde, fəsot və fəhşa ve karde,yəhudion bə Hərəmeyne Şərifeyn daxil karde və coqlə faciəvinə cinayəton məhkum kardedən.əvon təkid kardedən ki Məkkə və Kəbəyu həğiğiyə xəto, ki Xıdavəndə Xalığ əy hifz bıkə, Amerkə və ğərbı hərbiyə mərkəzon Hərəmeyne şərifeynı sərzəminədəy və bə Ərəbıstonı cəzirə mandə sərzəminədəy iyən siyonistiyə təyyarəonru həvoiyə marzon oj haşte, hocion və umrə əncom doə kəson hotelon mudiriyyət, xususi əmniyyətiyə mudiriyəti bə sionistiyə şirkəton dast doeye.8- yəmənı alimon Xıdavəndə xalıği tərəfo ğərbiyə sahil və coqlə məntəğəonədə bə dast vardə ğələbəon təbrik votedə, səbarzətioni ki Fələstin və həmmə ommətiyu qıləy ğələbəy.əvon yəmənı milləti bə subhanə Xıdo həmd və şukr karde, iyən zikr və istiğfar, və təkəbburiku bə kəno mande dəvət kardedən vəpidəşone ım məsələ qıləy niyyət,cəhbəon de kadron və ğıvvon səfərbər kardeyu bıbo ki yəmənı ərazi ha vıcə ozod bıbo.Eyne holədə hərbiyə sənayeku bə himoyə karde və bə umumiyə səfərbər be devrəon təlim mərkəzonədə umuj qıniye və hərbiyə təlimaton vinde dəvət kardedən.Yəmənı alimon rəketiyə ğıvvon, be pilotə həvoiyə ğıvvon, bə həvo zid ğıvvon, dıyo ğıvvon və həmmə hərbiyə təşkilatonku tərif kardedən və çəvon zumandətion inkişof və hədəfon bə nəticə rusneyu veyə səbarzəti və inkişof orzo kardən.Həmçinin yəmənı toyfan roliku sərzəmin, numus iyən yəmənı izzət(yoliyəti) və kəromətiku mudafiə karde xoto təğdirışon kardə.9-Yəmənı alimon, yəmənı yolə milləti bə səbr, tov varde və vəhşiyə təcavuzi vədə bə ibemonəti iyən səfər bər be dəvət kardedə və bəvonku tələb kardedən jıqo qıləy şərayetədə nakonəsə ve tələbon bəyon kardeyu ıştə dasti bə mıtəalə Xıdo tərəf dıroz bıkən və bə ım ilahiyə ayəon əməl bıkən: ey kəsoni ki imonın vardə səbr bıkən iyandı bə səbr karde dəvət bıkən , mığavimət bıkən və sərhədonku muğət bıbən.Xıdavəndə xalığiku bıtarsən, jıqo bıbo ki bə rostə ro eqınən. Və Subhanə Xıdo sıxan:Qıləy şərayetədə ki dəmandə kəson dıvo bəvədə ki çəyku tələb kardedən icabət kardedə və qiriftarətion bə kəno jedə və şımə zəmini caneşin iyən varis ğəror dodə.Və təkid kardedən ki ğələbə de mıtəalə Xıdo izni neze və ağıbət çı pərhizkarone və səbarzəti ğəyrəz əziz və həkimə Xıdo tərəfo ni.10-Yəmənı alimon , bə yəmənı milləti siyasəton əvəz nıbe, mehvəri iyən muhimmə məsələon vədə yəni Fələstin və Məsciduləğsa məsələdə və əviki Livan, İron və suriyədə təşkil bedə , bəştə subutə fikron təkid kardedən.Oxoədə subhan və mıtəalə Xıdoku şəhidonru rəhmət yarəjəonru şifo, deşmenon vədə ğələbə və yəmənı mucahid. Mığavimət iyən səbr bıkə millətiyu iyən həmmə azadəonru zumandəti arızo kardəmon.Yəmənı alimon tərəfo bəyonotHicri ğəməri 1448 rəbiulaxəri 6(2026 sentiyabri 17)