Ğərəboği muxtar muhasirədə bıə məntəğə parlament çı umum iştimaiyəti koməkon tələbış karde

Ğərəboği muxtar muhasirədə bıə məntəğə parlamenti rəis dınyo kişvəronku tələbış karde ki bə ın məntəğə milləti komək bıkon.

Bə Rədio Erməni raporti əsos, Artur Tumasiyan qıləy bəyoniyə vositə tələbış karde ki xorək iyən dəvo-damon baxşədə bə ın məntəğə əholi komək bıbu.

Əv əlovəş karde ki Avropa əmniyət iyən həmkoəti Minsk mıştərikə qurupiku təlğb kardedəmon ta bənə sivilizasiyaşon bıə tərəfon Laçin karidori oj bey barədə ciddi bıbun ta Xankəndi airporti oj beyro şərayet hozzı bıbu.

Zinə Ermənistoni i minnə vəzir Nikol paşiniyan həm i bıə milləton təşkilotiku tələbış karde ta Ğərəboğ bandiyə məntəğə iyən Laçin karidori oxonə şəroyeti barəhə təhğiğon xoto qıləy həğiğət peydo əkə heyəti bə məntəğə bıvğando.

Ermənistoni xəbə mənbəon jığo voteyddən ki 3 haftəku vey bəbe ki Azərbaycan Respublika de pesoxtə bıə bəhonəon Laçin nomo bıə karidori işğalış kardedə və Ğərəboğ məhəlli dıvləti icozə ni bədoy ki bəştə iminnə dərəcədə bıə ehtiyacon dast peydo ko.

Ğərəboğədə məağazaon, nun patə vırəon, dəvo-damon mərkəzon iyən vojoron teyli bıə. 120 həzo nəfər cəmiyət əcumlə 9 həzo iflic, 20 həzo piyə mırd iyən jen ijən 3 həzo hırdəni jimon şəroyetə dəhşətin surəti dəvoniyə bıdə.