Laçin koridorədə bıhron dəvom bey

Ermənistoni xarıci vəzorətxonə sıxənəvot votışe: bə Laçin bıhroni dınyo ictima be diğğəti kənoədə, ım koridorədə bohrani sə beyro, nəticə əbaxşə hələkə roy nıbey, bois bıə ım məntəğə vəziyət bə insoniyə bohrani səmt bəşe.

De Azərbaycan Respublika hərbiçion vositə, bandiyə Ğərəboği məntəğədə Laçin koridori dəbastey bois bə har çəxtə Boku iyən İrəvani ixtilafon  nığıləti surətədə əlovəş bıbu. Azərbaycan Respublika ım hərəkət bois bıə ki ım məntəğə Ermənion de sutemon iyən xorəki kam bey bıhroni dim bə dim bıbun.

Laçin koridori dəbastey, Ermənistoni şiddətinə reaksiya bois bıə qıləy holədə tosə bə ısət qlobal ictima və beynəlxalğə hminə barədə mınosib iyən ğoymə reaksiya ıştəniku nışo doəşon ni.

Boku çand qılə qrup bo ko qətəşe ki ekoloqiyaku himoyə kardey iddioşone, ım qrup Dekabri 12 minnə rujiku Laçin koridori dəbastəşone iyən şe-omeyro problem icodışon kardə.

Bə İrna raporti əsos, Ermənistoni xarıci vəzarətxonə sxıənəvot, Van Honaniyan ıştə bəyoniyədə nıvştəşe: beynəlxalğə şərikon səmtiku bə Azərbaycan Respublika kişvər qıləy his kardəninə təziğon lozime və eyneholədə, Amerkə iyən Avropa ittifoği mesaj həm bəpe ruşin bıbu.

Honaniyan de işorə bə ım ki Laçin koridori barədə Azərbaycan Respublika  tojə həmləon ğəbul kardənin ni iyən səbrin ni bəbe, əv ijən təkidış karde: harcurnə daimiyə təvafuğon darşiye de siyasi və iğtisodi nəticəon dim bə dim bəbe.

Həmçınin İrəvanədə siyosiyə rəsmi şəxson de Boku hərbiçion vositə, Laçin koridori dəbastey barədə Moskva nəzəonku tənğidışon  kardə iyən ısətnə bohranədə Rusiyə bə izolasiya mıttəhəmışon kardə.

Ermənistoi iminnə vəzir, Nikol Paşiniyan həm Ğərəboğədə sakin bıə sulh mərominə ğıvvon  həmuşəti şoydon zıneydə ki Ermənion cəmiyəti kam bey nəzorətəkəin.