Ermənistoni ərtışi təchiz kardeyku Boku niqəronəti
Azəraycan Respublika prezident, de tojə silohon vositə, Ermənistoni ərtışi zumand iyən təchiz kardeyku ıştə niqəronəti elanış karde
Milodi 2022 minnə sori Sentiyabrə manqədə Hindistan de Ermənisto siloh ixracatiro təvafuğnomə imzoşon kardə. ım təvafuğnoməon "Pinaka" nomo bıə rəket ğandə şomile ki holihazerədə Hindistani ərtışi xıdmətədən. həmçınin Milodi 2020 minnə sorədə Hindistan iyən Erməniston 4 qılə "Soati" radari təmin kardeyro qləy təvafuğnomə imzoşon kardə.
Erməniston ijən "Brahmos" iyən "Astra" nomo bıə sotış bəpe bıə həvo bə həvo rəketon tələbış kardə ki de Hindistani vositə soxtə bıə.
Çımiku bənav həm qıləy Hindistani xarıci vəzarətxonə ali rəsmi şəxs həm votəş be ki həmkoətion rabitəon nığılətiro, Dehli iyən İrəvan dırozə mıddətə hərbi həmkoəti barədə votımon əncom doey cəhdışone.
Bə Fars aqentiyəti raporti əsos, ki qılə xəbəiyə mənbə nəğlış kardə, Azəraycan Respublika prezident votəşe ki Hindistoni silohon bə Erməniston həvote ğeyri dustanə hərəkəte boçi ki Milodi 2020 minnə sorədə canqədə məğlubiyəti bəpeşt, İrəvan cəhdış kardedə ki de Boku mubarizə bardeyro, vey çokə silohonku istifodə kon.
Əliyev de deştə kişvəri qıləy mediya mısohibədə votışe: de təəsufi ısət Hindistan vey təsirinə rolışe, və ım qıləy ğeyri dustanə hərəkəte, boçi ki ım silohon xususi hucuminə silohon bə Azərbaycan Respublika səmte.
Boku qıləy holədə İrəvani ım hərəkətiku tənğidış kardedə ki ıştən Ğərəboği canqədə Tırkiyə soxtə bıə drononku əcumlə "Beyrəğdor" bə Azərbaycan Respublika həvoiyə silohon əlovəş karde ki Milodi 2020 minnə sori canqədə, bə Ermənistoni səbarzətiədə vey muhimmə rolış be.
Dəvardə haftədə həmçınin Boku, Laçin vey muhimmə koridor ki yeqonə roye ki Ğərəboği bə dınyo dəçokneydə, dəbastəş kardə və həminə məsələ bois bıə ki ım Ermənion məntəğədə insoni bıhron icod bıbu.