Rusiyədə İroni avtomobil istehsal şirkəton iştirok

Maskvaədə İroni səfir bə Rusiyədə İroni avtomobil istehsal şirkəton fəaliyəti lozim bey təkidış karde.

Bə İRNA ımrujnə raporti əsos, Rusiyədə bıə İroni səfir ın kişvərədə bı avtomobil və bəy vabəstə bıə sənaye inkişof iclosədə Maskvaədə bıə İroni avtomobil şirkətonku nımoyəndəon iştiroki çok iyən mısbət bə hisobış varde və votışe: bə İron rusiyə nəzə hiç faxt jığo nıbe və ısət Rusiyə İroni bənə qıləy zumandə kişvər zıneydə, çən lozim heste ki şirkəton de səbr iyən çokə siyasəton ın kişvərədə bıə ticori və iğtisodi koon bə vırə bırosnon.

Kazim Cəloli əlovəş karde: Rusiyə pidəşe ki mıştərik proyekton çərçivədə avtomobil bısoxti, jığo vote bıdə ki İroniki şirkəton karde bəznın həminə sahədə komək bıkon.

Dəvardə sori Avqostə manqi 22 tosə 25 Rusiyədə avtomobil və bəy vabəstə bıə sənaye beynəlxalğə nımoyeşqoh de İroniku nımoyəndəon ıştiroki bərpo bıə be.