Ğərəboği bandiyə sakinonro Boku hərəkəton nəticəon

Laçin koridori dəbastə bey, bandiyə Ğərəboği sakinon de problem dim bə dimış kardə.

Milodi 2022 minnə sori Dekabrə manqi 12 minnə rujədə, Azərbaycan Respublika Laçin koridori dəbastey binoş kardə, və bandiyə Ğərəboği bəştə mıhosirəş qətə. de ım vucud ki insondustə təşkilaton vey kərə bə Ğərəboği milləti coni təhdid bey xoto, notaşon do, əmmo Boku rozi nıbıə ki ım caddə oj bıko.

Bandiyə Ğərəboğiku muntəşir bıə raporton, 120 həzo ım məntəğə sakin bıə kəson saxtə jimoniku hikoyət kardedə ki çəvonku əcumlə 30 həzo hırdənin.

Bə Armen Post məlumatərosnə raporti əsos, Zinə işəmbə rujədə Laçin Koridori 54 minnə ruji işğol beyədə, bandiyə Ğərəboği məlumatərosnə mərkəz raportış do ki bə Erməniston-Ğərəboği caddə dəbastey xoto, ım məntəğə çand da nəfər noxəşion mıolicə ğeyri mumkine.

Im mərkəzədə bə Azərbaycan Respublika Dekabrə manqi hərəkəti xoto, 5100 nəfər məntəğə sakın bıə kəson ıştə ko dastiku doəşone. və hiç bəoməşon ni.

Həminə raportədə omə həminə mıddətədə Laçin koridori dəbastə bey bois bıə ki 21 həzo 200 ton vey muhimm və əsosinə əmtəə bə bandiyə Ğərəboği səmti varid beyku mane bıbu. ğərəz ım ki de Rusiyə sulh mərominə ğıvvon iyən beynəlxalğə sıə hiloli vositə, vey muhimə əmtəəon bə ım məntəğə vığandə bıbu.

bə məktəbxonəon tətili xoto, hırdənon təhsiliku iyən lozimə xorək və mıolicə imkanatonu məhrumin.

Votey bəbe ki Azərbaycan Respublika, Erməniston-bandiyə Ğərəboği caddə dəbastə beyədə, ekoloqiya tərəfdaron məsul zıneydə. qıləy holədə ki bə İrəvani votə əsos, Azəri əmniyyəti ğıvvon ım hərəkəti peştədən.

Milodi 2020 minnə sorədə, Ğərəboği 44 rujə canqi bəpeşt, Azərbaycan Respublika iyən Erməniston de Rusiyə vositəçiyəti sulhi təvafuğnomə ki bə 3tərəfiyə bəyoniyə məşhure imzoşon kardə. İrəvan, de Boku vositə, Laçin koridori işğol bey ım təvafuğnomə darşiye bəyonış kardə.