Ermənistoni marzədə Avropa nəzorətəkəyon mandeyku Boku tənğid
Azərbaycan Respublika perıamenti yol, bə de Ermənistoni marzi beynəlxalğə nəzorətəkəyon vığandey xoto, Avropa ittifoğiku tənğidış kardə.
Oxonə manqonədə, co kərə Ğərəboği mıvzo barədə, Azərbaycan Respublika iyən Ermənistoni miyono daveon əlovə bıə.
Milodi 2020 minnə sorədə, Ğərəboği 44 rujə canqi bəpeşt, Azərbaycan Respublika iyən Erməniston de Rusiyə vositəçiyəti sulhi təvafuğnomə ki bə 3tərəfiyə bəyoniyə məşhure imzoşon kardə. İrəvan, de Boku vositə, Laçin koridori işğol bey ım təvafuğnomə darşiye bəyonış kardə.
Həminə miyonədə, Boku Avropa ittifoği mıttəhəmış kardə ki İrəvaniku himoyətış kardə və ım hərəkəton ğeyri konstruktiv zıneydə.
Bə YJC raporti əsos ki Teli Trayderiku nəğlış kardə, zinə Cımə rujədə, Azərbaycan Respublika milli məclesi yol, Səhibə Qafarova votışe: Ğəfğazi baxşədə, 2 qılə kişvəri rabitəon normal kardeyro, Boku iyən İrəvani miyono muzakirəon prosssədə, "Ermənistoniro hərəkəti komissiya" icod beyro, Avropa ittifoği hərəkət, qıləy mane zıneydəmon.
Ğafarova ijən iddioş kardə ki bə Azərbaycan Respublika iyən Ermənistoni marz Avropa ittifoğiku qıləy heyət vığandey mumkin heste ki rabitəon normal kardey məhv ko.
Çımiku bənav həm elan bıə ki Ermənistonədə Avropa ittifoği nımoyəndəon mandey nə fəğət bə Ğərəboği daveon həlli komək kardedə ni bəlkəm 2tərəfi miyono tojə daveon icod bey bois bəbe.
Həminə holədə, Ermənistoni iminnə vəzir, Nikol Paşiniyan həm xəbəş do ki de Azərbaycan Respublika qıləy sulhi təvafuğnomə icod beyro ıştə təklifon bə Boku və Minsk qrup və Avropa əmniyyət və həmkoəti vığandəşe.
