De Ermənistoni vositə Ğərəboğədə caddə soxtey, Boku tərəfo muxalifət bıə

Azərbaycan Respublika mudafiə vəzarətxonə, de Ermənistoni vositə Ğərəboğədə caddə soxtey ğeyri ğanuni zıneydə.

Dəvardə rujonədə, Azərbaycan Respublika iyən Ermənistoni miyono daveon əlovə bıə. Milodi 2020 minnə sori 44 rujə canqi bəpeşt, 2tərəf Ğərəboği məntəğə barədə çand kərə yande bə otəşbasto darşiye məttəhəm kardışone.Pencşəmbə rujədə, Erməniston, Azəri tərəfo bə otəşbasti maddon darşiye mıttəhəmış kardə və Boku həm ım ittihomi cəvob doşe.

Bə Fars aqentiyəti raporti əsos, zinə Cımə rujədə, Azərbaycan Respublika mudafiə vəzarətxonə de qıləy bəyoniyə sadir kardey vositə, Ermənistoni mıttəhəmış kardə ki Ğərəboğədə bə caddə dutey məşğule və tələbış kardə ki ım ko be hərəkət ko.

Azərbaycan Respublika mudafiə vəzarətxonə, iddioş kardə ki Ermənistoni silohinə ğıvvon de ğeyri ğanuni surət və Milodi 2020 minnə sori Noyabri 3tərəfiyə bəyoniyə əks, Ğərəboğədə Rusiyə sulh mərominə ğıvvon vırədə, bəştə ğeyri ğanuniyə fəaliyətondəvom dodən.

Im vəzarətxonə de qıləy bəyoniyə sadir kardey vositə, ım iddio bəyonış kardə ki Ğərəboğədə caddə dutey, 3tərəfiyə bəyoniyə maddon oşkoə darşiye bə hisob omeydə ijən əlovəş karde: jıqo hərəkəton bois bəbe məntəğədə daveon əlovə bıbu.

Azərbaycan Respublika mudafiə vəzarətxonə ıştə bəyoniyədə, ım hərəkəton nəticəon barədə bə Erməni rəsmi şəxson nota doəşe.

Azərbaycan Respublika iyən Ermənistoni miyono daveon əlovə bey dumoədə, Pencşəmbə rujədə Rusiyə xarıci vəzarətxonə Ğərəboğədə bevəcə vəziyətiku ıştə niqəroni elanış kardə və Boku iyən İrəvaniku tələbış kardə ki sulh muzakirəon prossesi tojədən bino kon.