İroni royku, şimol-cənub karidori komil kardeyro, Tehron və Moskva hozzoəti

Rusiyədə bıə İroni səfir, İroniku şimol-cənub karidori 3 qılə roy komil kardeyro çı Tehron-Moskva planon hozzo beyku xəbəş do.

Bə İrna raporti əsos, tojədən Moskvaədə Rusiyə locestik xıdməton və nəğliyot beynəlxalğə 27 minnə konfrans (Trans Raşa)  nomo iclosi kənoədə, Rusiyədə bıə İroni səfir, Kazım Cəlali həminə xəbə barədə əlovəş kardə: de veyə cəhdon vucudi, şimol-cənub koridoriku çand baxş hələ komil bəni ki ısət Tehron-Moskva irodə, əvoni komil kardeyro cəhətədən.

Cəlali ijən işorəş kardə İroni şərği koridororonku qıləyni, Rusiyə-Ğəzaxıston, İroni şərği məntəğəonku dəvardey bəpeşt və bə Fars dıyo rəseydə, əv ijən votışe: ım royku əmtəə ovoştoniye zəminə icod bıə.

Moskvaədə bıə İroni səfir ijən əlovəş kardə:həminə karidori osınə royku i baxş ki İnçe-Burun tosə Qərmsar dəvom kardə bəpe de ruşna təchiz bıbu ki bənə İron və Rusiyə mıştərəkə plani təğib bəbe.

Bə Cəlali votəyon əsos, İroni royku şimol-cənub koridori 2minnə baxş, dıyo və zəmini royonku şomil bıdə ki Kaspi dıyoku dəvardedə və ımi bə vırə rosniyeyro, bəpe dıyo kənoədə, porton hozzo bıbun və kalion həm bə tojə planon, inkişof və tojə binaon ehtiyocişone.

Cəlali ijən təsdiğış kardə: İroni royku şimol-cənub koridori 3minnə baxş həm Rusiyəku bə Azərbaycan Respublika və peşo bə İron və Farsi dıyo rəsedə ki caddə baxşədə nəğliyot əncom bey holədəy və Rusiyə kişvər Dağestonədə marzi karidori çok beyro hərəkətoni əncom bıə.

2şənbəku Moskvaədə Rusiyə təchizaton, locestiki xıdməton və nəğliyoti beynəlxalğə 27 minnə nımoyeşqoh de Trans Raşa unvani ıştə ko binoş kardə və 3 rujiro diyə kardə kəsonro oj bəmande.