Azərbaycan Respublika iyən Ermənistoni miyono sərhədd behroni dəvom

Ermənistoni mudafiyə vəzorətxonə tojədən elan kardışe ki de Azərbaycan Respublika snaperon vositə sərhədədə qıləy Erməni hərbi kıştə bəy.

Bə İrna raporti əsos, ın raport qıləy şəroyetədə muntəşir bıə ki Azərbaycan Respublika rəsmən çı Ermənistoni ın iddo rəddış kardə və təkidış heste ki Ermanion co vırəonədə kıştə bıən və bəmə rəbtış ni.

Azərbaycan Respublika mudafiyə vəzorətxonə həm elanış kardə ki Ğərəboğədə mina tıpe nəticədə 3 nəfər Azəri hərbiçi zəxmin bıən.

Azərbaycan Respublika mudafiyə vəzorətxonə ın bəyoniyədə İrəvoni bənə məsul elanış kardə və təkidış be ki Şuşa məntəğədə Ermənion tərəfo noə bıə mina bə qıləy xorək vırə bə vırə kardə maşini qıniyey bəpeşt hərbion zəxminış kardə.