Azərbaycan Respublika iyən Qurcıstoni miyono mudafiə həmkoəti muğaviləon imzo bey
Bə Azərbaycan Respublika Qurcıstoni mudafiə vəziri səfə cərəyonədə,mudafiə baxşədə, Buko və Teflis həmkoəti muğavilə imzoşon kardə.
Bə Azərtac aqentiyəti raporti əsos, Deşəmbə rujədə Qurcıstoni mudafiə vəzir, Cəvanşir Borçoladze de Azərbaycan Respublika prezident İlham Əliyev və Azərbaycan Respublika mudafiə vəzir qeneral Zaker Həsənevi vindemonış kardə və 2 qılə kişvəri hərbi mıştərəkə təmrinon əlovə bey və hərbi muxtəlifə icloson bərpo bey barədə deyande votımonışon kardə.
Həmçınin 2 tərəf Ğəfğaz məntəğədə 2tərəfi hərbi rabitəo vey muhimm zınəşone və hərbi ğıvvon təlim baxşədə veyə həmkoətion hevujəti məntəğədə sulh və əmniyyəti təmin kardey barədə deyande votımonışon kardə.
Bə həminə raporti əsos, Azərbaycan Respublika iyən Qurcıstoni mudafiə vəziron, ıştən sıhbəton dəvomədə Ğərəboği daveon oxonə vəziyət və Azərbaycan Respublika iyən Ermənistoni marzon təhəvulaton və məntəğədə sulh mərominə ğıvvon iştiroki barədə məşvərətışon kardə.
