Imruj, Azərbaycan Respublika iyən Ermənistoni miyono sulhi votımonon

Zinə şəmbə Ermənistoni xarıci vəzarətxonə sıxənəvot votışe ki işəmbə rujədə Amerkədə, Boku iyən İrəvani tojə muzakirəon dıvrə , rabitəon normal kardey cəhəto bərpo bəbe.

Bə Reuters raporti əsos, Ermənistoni xarıci vəzarətxonə sıxənəvot votışe ki ımruj ım kişvəri xarıci vəzir, Ararat Mirzoyan  ko səfəri xotoro bə Amerkə Vaşenqton disi varid bəbe.

Tosə ısət Azərbaycan Respublika ım məsələ bard sıxən vottəş ni.

Im vindemon qıləy holədə əncom bıə ki dəvardə Çoşəmbə rujədə Ermənistoni devləti rəsmi şəxs Smik Samoliyan xəbəş do ki Laçin muhimmə koridorədə Buko oxonə hərəkəton xoto, İrəvan bə Hağğə beynəlxalğə məhkəmə şikayətış kardə.

Samoliyan votışe: de Azərbaycan Respublika vositə,Laçin roy varid beyədə kontroli vırə icod bey barədə, Erməniston bə Hağğə beynəlxalğə məhkəmə şikayətış kardə.

Qıləy holədə ki de veyə cəhdon vucudi Erməniston və Azərbaycan Respublika miyono həni sulhinə muğavilə icod nıbıə, dəvardə İşəmbə rujədə Buko qıləy dave hərəkətədə, Laçin royədə Ğərəboği caddədə tojə kontroli vırə icodış kardə ki de Erməniston, Rusiyə və kali co kişvəron reaksiya dim bə dim bıə və ım hərəkəti 2020 otəşbasti darşiye zınəşone.